სრულიად ახალი ჟღერადობის დებიუტი Visa-ს გლობალური სარეკლამო კამპანიის ფარგლებში, ზამთრის ოლიმპიური თამაშების „ფხიონჩხანი 2018“-ის აღსანიშნად შედგება
თბილისი – 12 დეკემბერი, 2017წ. – კომპანია Visa-მ ბრენდის ხმოვანი, ანიმირებული და ტაქტილური იდენტიფიკატორების შესახებ განაცხადა. უკვე ძალიან მალე ინტერნეტით, ან მაღაზიაში ტრანზაქციის წარმატებით დასრულების შესახებ დასტურს მომხმარებელი ნახატით, ხმოვანი სიგნალით ან მოკლე ვიბრაციით მიიღებს. Visa-ს ჟღერადობის დებიუტი ბრენდის მსოფლიო სარეკლამო კამპანიის ფარგლებში, ზამთრის ოლიმპიური თამაშების - „ფხიონჩხანი 2018“-ის დაწყებამდე შედგება.
„60 წლის მანძილზე ბრენდი Visa ინოვაციების, სწრაფი გადახდების სიმბოლოა“, - აღნიშნა Visa-ს მარკეტინგისა და კომუნიკაციების განყოფილების ხელმძღვანელმა ლინ ბიგარმა. ‘’კომერციაში გადახდების ინტეგრირების ზრდასთან ერთად ცნება „ყველგან, სადაც ყოფნა გსურთ (Everywhere you want to be) კიდევ უფრო მეტ მნიშვნელობას იძენს ჩვენი ბრენდისთვის. მსოფლიოში გადახდების ახალი ტექნოლოგიების ფორმირებასთან ერთად, სენსორული ბრენდინგის ელემენტების ეს ნაკრები მომხმარებლებს შესძენს დამატებით ნდობას, რომელსაც ისინი მოელიან ყოველ ჯერზე, როცა Visa-ს იყენებენ“.
კვლევა გვიჩვენებს, რომ ბრენდი Visa საყოველთაო ნდობასთან, უსაფრთხოებასა და არსებული გადახდების ვარიანტების ცოდნასთან ასოცირდება. Visa-ს დაკვეთით განხორციელებული ბოლო სამომხმარებლო კვლევის თანახმად, ვებგვერდის მეშვეობით გამოკითხულ რესპონდენტთა 71 პროცენტი თავს უსაფრთხოდ გრძნობდა Visa-ს ლოგოს დანახვისას, რაც უზრუნველყოფს ტრანზაქციის შესრულების მაღალ ალბათობას1. პორტატული მოწყობილობებით სავსე ციფრულ სამყაროში, Visa-ს სენსორული ბრენდინგის ელემენტები შემუშავებულია შესაბამისი ემოციების გამოწვევის მიზნით, ისეთ გარემოშიც კი, სადაც Visa-ს ტრადიციული ლოგო არ ჩანს.
სენსორული ბრენდინგის მნიშვნელობა
რვა ქვეყანაში ჩატარდა მომხმარებლების კვლევა, რათა განესაზღვრათ, რა გავლენა აქვს სენსორული ბრენდინგის გამოყენებას კომპანია Visa-ს აღქმაზე. კვლევის შედეგად გამოვლინდა:
- გამოკითხულთა 83 პროცენტი2 აღნიშნავს, რომ ხმოვანმა და ანიმაციურმა სიგნალებმა დადებითად იმოქმედა მათ მიერ ბრენდის აღქმაზე;
- გამოკითხულთა 81 პროცენტი2 აღნიშნავს, რომ ისინი უფრო დადებითად აღიქვამენ სავაჭრო ობიექტებს, რომლებიც იყენებენ ხმოვან ან ანიმაციურ სიგნალებს;
- ერთ წამზე ნაკლები ხანგრძლივობის მქონე Visa-ს ხმოვანი სიგნალი2 გადახდის სისწრაფესა და მოქნილობასთან ასოცირდება;
- რეკლამაში ტაქტილური ტექნოლოგიის გამოყენება მომხმარებლებს დადებით ემოციებს ანიჭებს1.
Visa-ს სენსორული ბრენდინგი ხელმისაწვდომი გახდება პროგრამული უზრუნველყოფის ნაკრების (SDK) სახით 2018 წლის დასაწყისში Visa-ს დეველოპერულ პლატფორმაზე და ინტეგრირების მოთხოვნის შემთხვევაში "Visa Ready“ პროგრამის მეშვეობით. ამავე წლისთვის Visa გეგმავს საპილოტე პროგრამების შემუშავებას სავაჭრო ობიექტებთან და POS ტერმინალების მომწოდებლებთან.