დამატებითი ინფორმაცია კონფიდენციალურობის შესახებ

ჩვენ ვმართავთ VisaNet-ს, მსოფლიოში ელექტრონული გადახდების ერთ-ერთ ყველაზე დიდ ქსელს. ეს საშუალებას გაძლევთ, რომ თქვენი Visa ბარათი თითქმის ყველგან გამოიყენოთ მსოფლიოში. გაიგეთ მეტი VisaNet-ის შესახებ.

როცა თქვენ Visa ბარათს (ან სხვა გადახდის პროდუქტს) იყენებთ, ჩვენ ვიღებთ თქვენი გადახდის ბარათის ნომერს და სხვა ინფორმაციას, რომელიც საშუალებას გვაძლევს, რომ თქვენი გადახდა დავამუშაოთ. ჩვენ ვიღებთ თარიღს, დროს, ადგილმდებარეობას და ტრანზაქციის ოდენობასა და ინფორმაციას სავაჭრო ობიექტის შესახებ. მონაცემთა ამ ელემენტებს ეწოდება „საბარათე ტრანზაქციების მონაცემები“. შესაძლოა, ჩვენ მივიღოთ სხვა ფინანსური ინფორმაცია ტრანზაქციების დამუშავებისას და ჩვენი კლიენტებისთვის მომსახურების გაწევისას.

საბარათე ტრანზაქციების მონაცემებს ვიყენებთ და ვამჟღავნებთ თქვენი გადახდების შესასრულებლად და როგორც ამას მოითხოვს:

• Visa-ს ელექტრონული გადახდების ქსელების ფუნქციონირება, მათ შორის ძირითადი ფინანსური საპროცესინგო მოქმედებები, როგორიცაა ავტორიზაცია, ტრანზაქციების კლირინგი და შესრულება და მათთან დაკავშირებული მიზნები, როგორიცაა იდენტიფიკაცია, ტოკენიზაცია, დავების გადაწყვეტა, თაღლითობის პრევენცია და უსაფრთხოება
  
• ჩვენი კლიენტებისთვის მომსახურების მიწოდება. მაგალითად, თუ ბარათის ემიტენტის ან სავაჭრო ობიექტის ლოიალობის პროგრამაში ჩაერთეთ, საბარათე ტრანზაქციების მონაცემებს დავამუშავებთ, რათა გამოვთვალოთ თქვენი ბონუსები და სამიზნე ჯგუფისთვის განკუთვნილი შემოთავაზებები მოგაწოდოთ კლიენტისგან — გაიგეთ მეტი ლოიალობისა და ბონუსების სექციაში ამ გვერდზე.
  
• იმის დადგენა, თუ როგორ იყენებთ თქვენ და სხვები ჩვენს პროდუქტებს, რათა შევადგინოთ ანალიტიკა და მოდელები, მივიღოთ ინფორმაცია და მასალები ბიზნესის შესახებ და გავიგოთ ეკონომიკური ტენდენციები
  
• მონაცემთა დეპერსონიფიცირებული, დეიდენტიფიცირებული, ანონიმური ან აგრეგირებული ნაკრებების შედგენა, რომლებიც გამოიყენება პროდუქტის განვითარებისთვის და კლიენტებისათვის საკონსულტაციო სერვისების მიწოდებისათვის — გაიგეთ მეტი Visa-ს პროდუქტებისა და სერვისების განყოფილებაში ამ გვერდზე.
  
• ჩვენი ყოველდღიური ბიზნეს-მიზნების მხარდასაჭერად, როგორიცაა ანგარიშის მართვა, ხარისხის კონტროლი, ვებსაიტის ადმინისტრირება, ბიზნესის შეუფერხებელი ფუნქციონირება და უბედური შემთხვევით მიღებული ზარალის ანაზღაურება, უსაფრთხოება და თაღლითობის პრევენცია, კორპორაციული მართვა, ანგარიშგება და იურიდიული შესაბამისობის უზრუნველყოფა
  

თქვენ მიერ არჩეული ვარიანტები

ვაფასებთ, რომ გაქვთ არჩევანი, თუ რომელ საგადახდო პროდუქტს გამოიყენებთ. ჩვენი მიზანია, რომ Visa-ს არჩევისას თავდაჯერებულობის შეგრძნება მოგცეთ ჩვენ მიერ კონფიდენციალურობისა და უსაფრთხოების დაცვისადმი გამოხატული მტკიცე პოზიციიდან გამომდინარე. თქვენ შეგიძლიათ, ნებისმიერ დროს დაგვიკავშირდეთ იმ მეთოდების შესახებ შეკითხვებით, რომლებსაც კონფიდენციალურობისთვის ვიყენებთ.

თუ თქვენი გადახდის ბარათი იძლევა ქეშბექს ან სხვა ბონუსებს, ან თუ თქვენ სხვაგვარად ჩაერთვებით ქეშბექის ან ლოიალობის პროგრამაში, შესაძლოა, თქვენი საბარათე ტრანზაქციების მონაცემები ჩვენ საჭიროებისამებრ დავამუშაოთ, რათა თქვენი ბარათის ემიტენტს ან პროგრამის სპონსორს ჯილდოს გაცემის შესაძლებლობა მივცეთ.

მაგალითად, საცალო ვაჭრობის მაღაზიამ და ბანკმა შეიძლება შემოგთავაზოთ მაღაზიის ბრენდის და ქეშბექის ფუნქციის მქონე Visa ბარათი (ბანკის მიერ გაცემული), რომელიც გაძლევთ 2%-იან ქეშბექს მაღაზიაში შესყიდვებზე და 1%-იან ქეშბექს საკვებ პროდუქტებზე. ამ ბარათის მისაღებად განაცხადის გაკეთებისას თქვენ ეთანხმებით ბანკის წესებს იმის თაობაზე, თუ როგორ გამოითვლება თქვენი ბონუსები. ამის შემდეგ ბანკი ხელშეკრულებით უკავშირდება Visa-ს და აკეთებინებს საბარათე ტრანზაქციების მონაცემების ანალიზს, რათა დაჯილდოებისთვის შესაფერისი ტრანზაქციები გამოავლინოს და გამოთვალოს დაგროვილი ქეშბექის ოდენობა თითოეული საანგარიშო პერიოდისთვის. ამ შემთხვევაში Visa მოქმედებს როგორც სერვისის პროვაიდერი თქვენი ბარათის ემიტენტისთვის. 

ზოგიერთ კომპანიას აქვს დაჯილდოების ქსელები, რომლებიც საშუალებას გაძლევთ, რომ თქვენი საგადახო ბარათები დაარეგისტრიროთ ქეშბექის, სამიზნე ჯგუფებისთვის განკუთვნილი შემოთავაზებების ან სხვა ბონუსების მისაღებად მათ ქსელებში. დარეგისტრირების შემდეგ თქვენ გთხოვენ თანხმობის განცხადებას იმის შესახებ, რომ Visa-ს და სხვა საგადახდო ქსელებს საშუალებას აძლევთ, საბარათე ტრანზაქციების მონაცემები დაამუშაონ დარეგისტრირებული გადახდის ბარათისთვის, როგორც ამას მოითხოვს ქეშბექის (Cash back) გამოთვლა და მოგაწოდონ ბარათთან დაკავშირებული ტარგეტირებული შემოთავაზებები. Visa ფუნქციონირებს როგორც სერვისის პროვაიდერი დაჯილდოების პროგრამის კომპანიისთვის.

თქვენ მიერ არჩეული ვარიანტები

ქეშბექის მქონე საგადახდო ბარათების გამოყენება და ლოიალობისა და საბონუსე პროგრამებში მონაწილეობა სრულიად ნებაყოფლობითია. როგორც ბარათის მფლობელს, შეგიძლიათ აირჩიოთ, მიიღებთ თუ არა მონაწილეობას ამ ტიპის პროგრამებში. კონფიდენციალურობის შესახებ სათანადო შეტყობინებებს მიიღებთ, როცა ამ პროგრამებში დარეგისტრირდებით (ან ქეშბექის ბარათებზე შეიტანთ განაცხადს), ასევე, შესაძლოა, გთხოვოთ თანხმობა იმის თაობაზე, რომ ჩვენ დავამუშაოთ საბარათე ტრანსაქციების მონაცემები. თუ გაქვთ შეკითხვები იმაზე, თუ როგორ განკარგავს თქვენს პირად ინფორმაციას ბარათის გამომშვები თუ ბონუსების გაცემის პროგრამის ქსელი, გაეცანით ამ კომპანიების ან Visa-ს შეტყობინებებს კონფიდენციალურობის შესახებ. ისინი მოიცავს დამატებით ინფორმაციას იმის შესახებ, თუ როგორ მოიძიოთ დახმარება კონფიდენციალურობასთან დაკავშირებული მოთხოვნებისთვის.

Visa მომხმარებლებს ბევრ გზას სთავაზობს ჩვენთან დასაკავშირებლად.  მაგალითად, შესაძლოა, თქვენ დაგვიკავშირდეთ, გამოხატოთ ჩვენგან შეტყობინებების მიღების სურვილი, ან მონაწილეობა მიიღოთ Visa-ს მიერ დაფინანსებულ ღონისძიებაში ან აქციაში, ან ჩაერთოთ გადახდის ბიომეტრიულ პროგრამებში ან უსაფრთხო სალაროს პროგრამებში (როგორიცაა Visa).  თითოეულ შემთხვევაში ჩვენ შევაგროვებთ პირად ინფორმაციას, რომელიც აუცილებელია თქვენ მიერ მოთხოვნილი ინფორმაციის ან მომსახურების მოსაწოდებლად.

ჩვენ ვიყენებთ და ვამჟღავნებთ თქვენგან მიღებულ ინფორმაციას, რაც აუცილებელია:

• პროდუქტების, სერვისების, პროგრამების, შემოთავაზებების ან თქვენ მიერ Visa-სგან მოთხოვნილი ინფორმაციის მოსაწოდებლად და ისეთი მიზნები შესასრულებლად, როგორიცაა უფლებამოსილების განსაზღვრა და კლიენტთა მხარდაჭერის სამსახურის მხარდაჭერა
• გამოკითხვების, ლოიალობის პროგრამების, ლატარეების, კონკურსებისა და ღონისძიებების ჩატარებისთვის.
• თქვენს არჩევანზე დაყრდნობით მარკეტინგული კომუნიკაციების, ინდივიდუალური შემოთავაზებების და თქვენი ინტერესების შესაბამისი რეკლამების მოსაწოდებლად და
• ჩვენი ყოველდღიური ბიზნესმიზნების მხარდასაჭერად, როგორიცაა ანგარიშის მართვა, ხარისხის კონტროლი, ვებსაიტის ადმინისტრირება, ბიზნესის შეუფერხებელი ფუნქციონირება და უბედური შემთხვევით მიღებული ზარალის ანაზღაურება, უსაფრთხოება და თაღლითობის პრევენცია, კორპორაციული მართვა, ანგარიშგება და იურიდიული შესაბამისობის უზრუნველყოფა

წაიკითხეთ თითოეულ პროგრამაზე ან პლატფორმაზე თანდართული შეტყობინებები კონფიდენციალურობის შესახებ და შეიტყვეთ, რა შემთხვევებში შეიძლება მოხდეს ინფორმაციის დამატებითი გამჟღავნება.

თქვენ მიერ არჩეული ვარიანტები

Visa გთავაზობთ თქვენთან კომუნიკაციისა და თქვენი ინფორმაციის გამოყენების ფართო არჩევანს.

• უმეტეს შემთხვევებში თქვენ შეგიძლიათ შეზღუდოთ ინფორმაცია, რომელსაც Visa-ს აწვდით. ჩვენს აქციებსა და პროგრამებში მონაწილეობა ნებაყოფლობითია. ნებისმიერ დროს შეგიძლიათ უარი განაცხადოთ პროგრამაზე, რომელშიც ჩაერთეთ. 
• თუ ჩვენთან ანგარიში ონლაინ შექმენით, მისი წაშლა შეგიძლიათ სისტემაში შესვლით და მოწოდებული ინსტრუქციების შესრულებით.
• ზოგიერთი პროგრამა, მათ შორის, Visa-ს უსაფრთხო გადახდის ინსტრუმენტები (როგორიცაა Visa Click to Pay), საშუალებას გაძლევთ, ნებისმიერ დროს ნახოთ და განაახლოთ თქვენი პირადი ინფორმაცია, როცა თქვენს ანგარიშში შეხვალთ. თქვენ ასევე შეგიძლიათ ისარგებლოთ პირადი ცხოვრების ხელშეუხებლობის უფლებების განყოფილებით ამ გვერდზე და გამოიყენოთ თქვენი უფლებები ინფორმაციის სანახავად და წასაშლელად.
• თქვენ შეგიძლიათ შეზღუდოთ საკომუნიკაციო წერილები, რომლებსაც Visa გიგზავნით. მარკეტინგული ელექტრონული ფოსტის მიღებაზე უარის სათქმელად უბრალოდ დააწკაპუნეთ ბმულზე „გამოწერაზე უარის თქმა“, რომელიც განთავსებულია ყველა იმ მარკეტინგული ელწერილის ქვედა ნაწილში, რომლებსაც გიგზავნით. იმ ნებართვების უარსაყოფად, რომლებიც შეიძლება მოგვეცით ტექსტური შეტყობინებების გამოსაგზავნად, მოგვწერეთ STOP ნებისმიერი შეტყობინების პასუხად. გთხოვთ, გაითვალისწინოთ, რომ იმ შემთხვევაშიც კი, როდესაც უარს ამბობთ მარკეტინგული ელწერილების მიღებაზე, ჩვენ მაინც შეიძლება დაგვჭირდეს თქვენთან დაკავშირება თქვენს ანგარიშთან დაკავშირებული ტრანზაქციის შესახებ მნიშვნელოვანი ინფორმაციის მოსაწოდებლად. მაგალითად, მაშინაც კი, თუ უარს იტყვით ელექტრონული წერილების მიღებაზე, ჩვენ მაინც შეიძლება გამოგიგზავნოთ აქტივობების დასტური ან გაფრთხილებები თაღლითობის თაობაზე.
• დახმარებისთვის შეგიძლიათ, დაგვიკავშირდეთ ნებისმიერ დროს.

როცა თქვენ სტუმრობთ ჩვენს ვებსაიტს, იყენებთ ჩვენს მობილურ აპლიკაციებს, ან რეაგირებთ ჩვენს ელწერილებსა და ონლაინ რეკლამებზე, შესაძლოა, ჩვენ შევაგროვოთ ინფორმაცია ავტომატიზებული გზებით, ისეთი ტექნოლოგიების გამოყენებით, როგორიცაა: ქუქი-ფაილები, პიქსელური ტეგები, ბრაუზერის ანალიზის ინსტრუმენტები, სერვერის ჟურნალები და ვებ-შუქურები.

ზოგიერთ შემთხვევაში ჩვენ მიერ შეგროვებული ინფორმაცია მხოლოდ არაიდენტიფიცირებადი სახით გამოიყენება. მაგალითად, ჩვენი ვებსაიტების ოპტიმიზაციისთვის და ვებსაიტის ვიზიტორთა სტატისტიკური ანალიზისთვის ვიყენებთ ინფორმაციას, რომელსაც ვებსაიტის ყველა მომხმარებლის შესახებ ვაგროვებთ. ამ ინფორმაციას არ ვიყენებთ თქვენი პროფილის შესაქმნელად ან ჩვენი რეკლამების სამიზნე ჯგუფებზე მორგებისთვის. 

სხვა შემთხვევებში, შესაძლოა, ეს ინფორმაცია იდენტიფიცირებადი სახით გამოვიყენოთ. მაგალითად, შესაძლოა, მოვახდინოთ თქვენი ან თქვენი მოწყობილობის ავთენტიკაცია, მოგაწოდოთ ინდივიდუალური მასალა ან ეს ინფორმაცია გამოვიყენოთ ანალიტიკისთვის, თაღლითობის აღმოჩენისთვის და უსაფრთხოებისთვის. ეს ინფორმაცია ასევე შესაძლოა, გამოვიყენოთ თქვენთვის მოწოდებული ონლაინ რეკლამების სამიზნე ჯგუფებზე მორგებისთვის. ჩვენი შეტყობინება ქუქი-ფაილების შესახებ მეტ ინფორმაციას იძლევა თქვენს არჩევანზე და ჩვენ მიერ მონაცემთა ონლაინ შეგროვებისთვის გამოყენებულ ტექნოლოგიებზე.

როგორც ეს აღწერილია ქუქი-ფაილების შესახებ შეტყობინებაში, ჩვენ ურთიერთობები გვაქვს მესამე მხარეებთან, რომლებიც ჩვენსა და სხვა ვებსაიტებზე რეკლამებს ათავსებენ. სხვადასხვა ვებსაიტებზე და აპლიკაციებში, შესაძლოა, ამ მესამე მხარეების თვალის მიდევნების ობიექტი იყოს თქვენი მოწყობილობა. თქვენ მიერ დაყენებულ პარამეტრებზე დაყრდნობით, შესაძლოა, თქვენს კომპიუტერში მათ მოათავსონ ქუქი-ფაილები ან ტეგები, როცა ჩვენს ვებსაიტს ესტუმრებით, რათა სამიზნე ჯგუფებზე მორგებული რეკლამები მოგაწოდოთ სხვა ვებსაიტებზე. ამ კომპანიების მიერ შეგროვებულ მონაცემებზე ვრცელდება მათივე წესები კონფიდენციალურობის შესახებ.  

ჩვენმა ვებსაიტებმა, შესაძლოა, ჩვენთან და სხვებთან სოციალური მედიის პლატფორმების საშუალებითკომუნიკაციის შესაძლებლობა მოგცეთ. ჩვენ ვაგროვებთ ინფორმაციას ამ პლატფორმებისგან, როგორც ამას აღნიშნული საიტების იურიდიული წესები ითვალისწინებს. ასევე, შესაძლოა, ჩვენ მოგაწოდოთ თქვენს ინტერესებზე მორგებული რეკლამები, როცა ამ პლატფორმებს გამოიყენებთ. ეს პლატფორმები თქვენთვის საჩვენებელი რეკლამის ინდივიდუალიზაციის საშუალებას გვაძლევს. მათ კი, შესაძლოა, ანალიტიკური ინფორმაცია მიიღონ ჩვენ მიერ მიწოდებულ რეკლამებზე რეაგირების მქონე პიროვნებების შესახებ.

თქვენ მიერ არჩეული ვარიანტები

შეერთებულ შტატებსა და ევროპაში განთავსებული ვებსაიტების შემთხვევაში Visa გთავაზობთ შესაძლებლობას, მართოთ ქუქი-ფაილები, რომლებიც ვებსაიტის საჩვენებლად არ არის მნიშვნელოვანი. ამისთვის დააწკაპუნეთ ქუქი-ფაილების შესახებ შეტყობინების ბმულზე ამ საიტის ქვედა კოლონტიტულში. სხვა გეოგრაფიული მდებარეობის შემთხვევაში გაეცანით ჩვენს შეტყობინებას ქუქი-ფაილების შესახებ იმის გასაგებად, თუ როგორ უნდა მართოთ ქუქი-ფაილები.

ქუქი-ფაილების და სხვა ტექნოლოგიების მეშვეობით შეგროვებულ მონაცემებს Visa უზიარებს სერვისის პროვაიდერებს, რომლებიც Cookie ფაილებით და მსგავსი საშუალებებით შეგროვებულ მონაცემებს იყენებენ იმისათვის, რომ დაგვეხმარონ ონლაინ რეკლამის პროგრამებში და ასევე დაეხმარონ სხვა მესამე მხარეებს, რომლებიც ხელს უწყობენ ჩვენს პროგრამებს საინფორმაციო ტექნოლოგიებისა და უსაფრთხოების სფეროებში. ასეთი მესამე მხარის მაგალითია კომპანიები, რომლებიც ეწევიან ქსელის უსაფრთხოების მომსახურებას და ვირუსული პროგრამებისგან მომდინარე საფრთხეებზე ინფორმაციას ინახავენ.

ჩვენი შეტყობინება ქუქი-ფაილების შესახებ შეიცავს ინფორმაციას იმის შესახებ, თუ როგორ უნდა მართოთ ქუქი-ფაილები ბევრ პოპულარულ ბრაუზერში და აგრეთვე, როგორ უნდა მართოთ სხვა ტიპის ქუქი-ფაილები. ის ასევე შეიცავს სასარგებლო ინფორმაციას თქვენი კონფიდენციალურობის დაცვისთვის ონლაინ, როგორიცაა ინსტრუქციები, თუ როგორ უნდა დააყენოთ ხელახლა მოწყობილობის სარეკლამო იდენტიფიკატორები და როგორ უნდა გამოიყენოთ სექტორის მიერ დაფინანსებული პროგრამები კონფიდენციალურობის შესახებ.

Visa-ში ჩვენ გვჯერა, რომ ჩვენდამი მონდობილი ინფორმაციის გამოყენების პასუხისმგებლობა გვაკისრია ელექტრონული გადახდების მოხერხებულობისა და უსაფრთხოების გასაუმჯობესებლად. კონფიდენციალურობისადმი გამოხატული ჩვენი მტკიცე პოზიცია საფუძვლად უდევს ჩვენი პროდუქტისა და მომსახურების განვითარების პროცესს.

როცა თქვენ Visa ბარათს (ან სხვა გადახდის პროდუქტს) იყენებთ, ჩვენ ვიღებთ თქვენი გადახდის ბარათის ნომერს და სხვა ინფორმაციას, რომელიც საშუალებას გვაძლევს, რომ თქვენი გადახდა დავამუშაოთ. ჩვენ ვიღებთ თარიღს, დროს, ადგილმდებარეობას და ტრანზაქციის ოდენობასა და ინფორმაციას სავაჭრო ობიექტის შესახებ. მონაცემთა ამ ელემენტებს მოიხსენიებენ „საბარათე ტრანზაქციების მონაცემებად“.  იმის შესახებ, თუ როგორ განკარგავს მათ Visa, მეტი შეგიძლიათ გაიგოთ საგადახდო ბარათის მონაცემების განყოფილებაში ამ გვერდზე.

საბარათე ტრანზაქციების მონაცემებს, პირველ რიგში, ვიყენებთ შესყიდვების გასამარტივებლად და მომხმარებლების დასაცავად თაღლითობისგან და საიდენტიფიკაციო მონაცემების მოპარვისგან. მაგალითად, ჩვენ რეალურ დროში ავტომატურად ვაანალიზებთ ყველა ტრანზაქციას, რათა დავრწმუნდეთ, რომ ტრანზაქციას ბარათის ნამდვილი მფლობელი ასრულებს. რეალურ დროში ჩატარებული, მონაცემებზე დაფუძნებული თაღლითობის ანალიზის მაგალითი იქნება, თუ ოდესმე ბანკისგან მიიღეთ გამაფრთხილებელი ზარი ან შეტყობინება საეჭვო ტრანზაქციის შესახებ.

საბარათე ტრანზაქციების მონაცემებს ასევე ვიყენებთ ბარათის ემიტენტისა და სავაჭრო ობიექტების დასახმარებლად, რომ უკეთ დააკმაყოფილონ მათი მომხმარებლების საჭიროებები და გაზარდონ ბიზნესი. მონაცემებზე დამყარებული სერვისები კომპანიებს ეხმარება, უკეთესი გადაწყვეტილებები მიიღონ ბიზნესში და ბარათის მფლობელებს მეტი კომფორტი შეუქმნან შემდეგი ოთხი გზით:

• ფინანსურ სერვისებთან წვდომა — საკრედიტო ბარათის მიღება ახალი ან შეზღუდული საკრედიტო ისტორიის მქონე ადამიანებისთვის, შესაძლოა, რთული იყოს, რადგანაც საკრედიტო შეფასების ტრადიციული ბიუროები წარსულ საკრედიტო აქტივობებს ზომავენ. მოქმედი კანონის შესაბამისად, ჩვენ შეგვიძლია სადებეტო ბარათის ტრანზაქციების მონაცემები გამოვიყენოთ ხელმისაწვდომ და საიმედო საკრედიტო შესაძლებლობებზე წვდომის გასაფართოებლად იმ მომხმარებლებისთვის, რომელთათვისაც სხვა შემთხვევაში, შესაძლოა, უარი ეთქვათ. 
• კომფორტი კლიენტებისთვის — ჩვენ ვიყენებთ სავაჭრო ობიექტის შესახებ მონაცემებს, შესყიდვების ისტორიას და მონაცემთა სხვა ელემენტებს მომსახურების ისეთი დამატებითი ღირებულებების მოსაწოდებლად, როგორიცაა Visa-ს მიმღები სავაჭრო ობიექტების მოძიება ან ტრანზაქციის შესრულებისას პიროვნების ვინაობის დადგენა ასინქრონულ რეჟიმში, რათა თქვენ არ დაგჭირდეთ იდენტიფიკაციასთან დაკავშირებული დამატებითი ინფორმაციის შეყვანა (მაგ., უსაფრთხოების კოდი ან პაროლი).
• შემოთავაზებები და აქციები — მომხმარებლებს შეუძლიათ მიიღონ ადეკვატური ფულის დამზოგველი შემოთავაზებები და აქციები, რომლებიც მორგებულია მათ სურვილებსა და საჭიროებებზე. წინა შესყიდვებიდან მიღებულ ანალიტიკურ მასალებს ჩვენ ვიყენებთ ბიზნესების დასახმარებლად, რომ მათ უკეთ გაიცნონ თავიანთი მომხმარებლები, მაგალითად, როდის არის მოსალოდნელი, რომ ისინი სამოგზაუროდ წავლენ საზღვარგარეთ ან როდის არის ფასდაკლებისა თუ სხვა ტიპის აქციების მიწოდებისთვის შესაფერისი დრო.
• ბიზნესის ეფექტიანობა — ტენდენციების აგრეგირებული ანალიზისა და მონაცემთა შედარებითი ანალიზის გამოყენებით ბიზნესებს შეუძლიათ, შეაფასონ მათი საგადახდო, მარკეტინგული ან ადგილმდებარეობასთან დაკავშირებული სერვისები, რათა გამოავლინონ ეფექტური მხარეები, შესაძლებლობები და მომხმარებელთათვის მომსახურების გაწევის უკეთესი გზები. მაგალითად, ტრანზაქციების მონაცემებს შეუძლია, დაეხმაროს სავაჭრო ობიექტებს იმის გაგებაში, თუ სად სჯობს ახალი მაღაზიების გახსნა. ჩვენ ასევე მონიტორინგს ვუწევთ ტრანზაქციების ტენდენციებს, რათა გავიგოთ, არის თუ არა სავაჭრო ობიექტი თაღლითობის საფრთხის ქვეშ.

თქვენ მიერ არჩეული ვარიანტები

მონაცემთა პროდუქტების განვითარება ჩვენი მისიისთვის გადამწყვეტი მნიშვნელობისაა ყველაზე კომფორტული, უსაფრთხო და კონფიდენციალურობის დამცავი გადახდის ქსელის შესაქმნელად. ვაფასებთ, რომ გაქვთ არჩევანი, თუ რომელ საგადახდო პროდუქტს გამოიყენებთ. ჩვენი მიზანია, რომ Visa-ს არჩევისას თავდაჯერებულობის შეგრძნება მოგცეთ ჩვენ მიერ კონფიდენციალურობისა და უსაფრთხოების დაცვისადმი გამოხატული მტკიცე პოზიციიდან გამომდინარე. თქვენ შეგიძლიათ, ნებისმიერ დროს დაგვიკავშირდეთ იმ მეთოდების შესახებ შეკითხვებით, რომლებსაც კონფიდენციალურობისთვის ვიყენებთ.

მოგესალმებით Visa-ს მომხმარებელთა უფლებების პორტალზე. Visa მომხმარებლებს სთავაზობს იმ ინფორმაციაზე წვდომის შესაძლებლობას, რომელიც უშუალოდ მათთვის გაწეულ მომსახურებასთან დაკავშირებით შევაგროვეთ.

• მონაცემების მოთხოვნის გადმოსაგზავნად ეწვიეთ Visa-ს მომხმარებელთა უფლებების პორტალს.
  
• თუ კონფიდენციალურობის შესახებ სხვა შეკითხვა გაქვთ, რომელიც მონაცემების მოთხოვნას არ ეხება, დაგვიკავშირდით.
  

უსაფრთხოების მოსაზრებებიდან გამომდინარე და პერსონალური ფინანსური ინფორმაციის არასანქცირებული გამჟღავნების პრევენციისთვის ბარათის მფლობელები საბარათე ტრანზაქციების მონაცემებზე წვდომის მისაღებად მათი საგადახდო ბარათების ემიტენტებს უნდა დაუკავშირდნენ. ეს არის გარანტია იმისა, რომ ინფორმაციაზე წვდომა ექნებათ მხოლოდ ავტორიზებულ პირებს, რომლებიც ემიტენტის დადასტურების პროცედურებს ექვემდებარებიან. იმის შესახებ, თუ როგორ განკარგავს აღნიშნულს Visa, ვრცლად შეგიძლიათ შეიტყოთ საბარათე ტრანზაქციების მონაცემების სექციაში ამ გვერდზე.

ამასთან ერთად, თუ გაქვთ შეკითხვები იმაზე, თუ როგორ ეპყრობა თქვენს პირად ინფორმაციას თქვენი ემიტენტი, ნებისმიერი სხვა სავაჭრო ობიექტი თუ დაჯილდოების პროგრამის ქსელი, მაშინ გაეცანით ამ კომპანიების შეტყობინებებს კონფიდენციალურობის შესახებ და კონფიდენციალურობასთან დაკავშირებული მოთხოვნებით პირდაპირ მათ დაუკავშირდით დახმარებისთვის. როცა Visa სერვისის პროვაიდერის (იგივეა, რაც მონაცემთა ოპერატორი) სახით მოქმედებს ჩვენს კლიენტებთან, თქვენს ინფორმაციას მხოლოდ ჩვენი კლიენტის ინსტრუქციის შესაბამისად ვამუშავებთ მომსახურების გაწევის მიზნით და სხვა სათანადო მიზნებისთვის, როგორიცაა აღრიცხვის წარმოება და შესაბამისობა. ჩვენი კლიენტების იმედი გვაქვს პირადი ცხოვრების ხელშეუხებლობის უფლების სამართავად და თქვენთვის კონფიდენციალურობის შესახებ სათანადო შეტყობინებების მოსაწოდებლად. 

შეკითხვების ან დახმარების საჭიროების შემთხვევაში დაგვიკავშირდით.