სან-ფრანცისკოში პირველი ინოვაციური ცენტრის წარმატებით გახსნისა და აზია-წყნარი ოკეანის რეგიონში, კერძოდ სინგაპურში, ინოვაციური ცენტრის გახსნის შემდეგ, Visa-მ კარი გაუღო 4000 კვადრატული ფართობის ახალ ინოვაციურ ცენტრს დუბაიში. ახალი ინოვაციური ცენტრი მდებარეობს დუბაის მედია სითის გულში და შეასრულებს Visa-ს ტექნოლოგიების, კლიენტებისა და პარტნიორების ცენტრის როლს , რომელიც შემოგვთავაზებს ანგარიშსწორების მომავალი ტექნოლოგიების შემუშავებაში თანამშრომლობის პლატფორმას. ცენტრი თავს მოუყრის წამყვან ინოვაციებს ცენტრალური და აღმოსავლეთი ევროპიდან, ახლო აღმოსავლეთიდან და აფრიკიდან (CEMEA) და შემოგვთავაზებს უახლესი ტექნოლოგიის მრავალწახნაგოვან პლატფორმას შემოქმედების ხელშესაწყობად - შენობაში ჩანს ღია სართულის ნახაზი, შეხვედრის ადგილები, ციფრული კომერციის სადემონსტრაციო ადგილები და ანგარიშსწორების პროტოტიპები, როგორიცაა დაკავშირებული მანქანა და საყოფაცხოვრებო ტექნოლოგია, როგორიცაა სრულად აღჭურვილი ყავის ბარი.
Visa-ს ინოვაციური ცენტრების გლობალური ქსელის მიზანია ღია კომერციის მომავლის წახალისება "და ინოვატორების მონაწილეობისათვის შესაძლებლობების გაძლიერება," რათა მათ ითანამშრომლონ ანგარიშსწორების ახალი მეთოდების შექმნაზე. ქსელი იმუშავებს საანგარიშსწორებო ტექნოლოგიების პროტოტიპირებისა და ექსპერიმენტების დაჩქარებაზე და ამავდროულად, ხაზგასმით გაითვალისწინებს ადამიანის ელემენტს, მათ ყოველდღიურ ცხოვრებაში ნამდვილი სარგებლის შემოსატანად. ციფრული ტექნოლოგიების წინსვლასთან ერთად, Visa კონცენტრაციას არ კარგავს თავის მთავარ მისიაზე - უსაფრთხოებაზე, რათა ინტერნეტთან შეერთებული ყველა აპარატი კომერციის უსაფრთხო ადგილი გახდეს. კომპანიის სპეციალურად გამოყოფილი ფინანსური ექსპერტების ვეტერანთა გუნდი კლიენტებსა და პარტნიორებთან იმუშავებენ Visa-ს დეველოპერის პლატფორმაზე API-ებისა და SDK-ების გამოყენებით ანგარიშსწორების ახალი ციფრული მეთოდების შესაქმნელად.
რამ მოიყვანა Visa დუბაიში? Visa-მ დუბაიში პირველად ოფისი გახსნა 1995 წელს. „ამ რეგიონში არსებული მრავალწახნაგოვანი საჭიროებების გათვალისწინებით, დუბაი იდეალური ადგილია ამგვარი თანამშრომლური მიდგომის ხორცშესასხმელად, ვინაიდან ის ტექნიკური და ფინანსური გზების გადაკვეთაზე მდებარეობს“ - აცხადებს ჯონ მაკგვაიერი, "Visa-ს ინოვაციური სტრატეგიებისა და პარტნიორობის ვიცე პრეზიდენტი და დუბაის ინოვაციური ცენტრის უფროსი. „Visa თავისი შინაარსით ტექნოლოგიური კომპანიაა. ჩვენ მუდმივად ვვითარდებით, რათა შევქმნათ თანამშრომლური და ლოკალიზებული გამოცდილებები ჩვენი კლიენტებისა და პარტნიორებისათვის CEMEA-ში.“