ინოვაცია ჩვენი განუყოფელი ნაწილი, ჩვენი ბიზნესისა და დღევანდელი საქმიანობის საფუძველია.
ჩვენ ერთმანეთთან ვაკავშირებთ კომპანიებს, ბანკებსა და მთავრობებს 200-ზე მეტ ქვეყანაში თუ ტერიტორიაზე მსოფლიო მასშტაბით.
როგორც სანდო ქსელი, ჩვენ ვამუშავებთ ციფრულ გადახდებს 200-ზე მეტ ქვეყანაში თუ ტერიტორიაზე, გლობალურ დონეზე, მომხმარებლებს, სავაჭრო ობიექტებს, ფინანსურ ინსტიტუტებს, კომპანიებს, სტრატეგიულ პარტნიორებსა და სახელმწიფო კომპანიებს შორის, ინოვაციური ტექნოლოგიების მეშვეობით.
გაეცანით ინფორმაციას, როგორ ეხმარება Visa ფულის გლობალურ მიმოქცევას
ჩვენი ისტორია დაიწყო 1958 წელს, როდესაც Bank of America-მ გამოუშვა თავისი პირველი საკრედიტო ბარათების პროგრამა მომხმარებლებისთვის შეერთებულ შტატებში. ჩვენ საერთაშორისო გაფართოება დავიწყეთ 1974 წელს, 1975 წელს კი უკვე სადებეტო ბარათი შემოვიღეთ. 2007 წელს რეგიონული ბიზნესები მთელ მსოფლიოში გაერთიანდა Visa Inc-ად. 2008 წელს კომპანიამ ისტორიაში ერთ-ერთი ყველაზე დიდი აქციების პირველადი საჯარო შეთავაზება (IPOs) გააკეთა. დღეს ჩვენ 200-ზე მეტ ქვეყანაში თუ ტერიტორიაზე ვმოღვაწეობთ და მომხმარებლებს ვთავაზობთ პროდუქტებსა და სერვისებს, რომლებიც ხელმისაწვდომია ბარათებზე, ლეპტოპებზე, ტაბლეტებზე, მობილურ მოწყობილობებსა და ა.შ. განუწყვეტლივ ვვითარდებით, მაგრამ ჩვენი მიზანი უცვლელია — გვსურს, ყველას ყველგან ვაძლიერებდეთ თანხის გადახდისა და მიღების საუკეთესო საშუალების შეთავაზებით.
Visa ამაყობს თავისი მდიდარი ისტორიით, რომელიც შედგება ინოვაციისგან, თანამშრომლობისა და გარდამტეხი ცვლილებებისგან, რომლებმაც ის მსოფლიოს ერთ-ერთ უდიდეს გადახდების ქსელად აქცია. ჩვენი ინოვაციური შემართების წყალობით ფულის მიმოქცევის მომავალს შევქმნით.
