ჩვენ გვსურს, რომ ყველა ყველგან წარმატებული იყოს
სოციალური ზეგავლენა არის Visa-ს ვალდებულების ნაწილი, ხელი შეუწყოს ინკლუზიურ, სამართლიან და მდგრად განვითარებას ყველასთვის და ყველგან. აქცენტს იმ ინიციატივების განხორციელებაზე ვაკეთებთ, რომლებითაც, ჩვენი ქსელის, პროდუქტებისა თუ ფინანსური რესურსების მასშტაბზე, ასევე, ჩვენი თანამშრომლების ერთობლივ ცოდნასა და ვალდებულებაზე დაყრდნობით, ტრადიციულად არასაკმარისად უზრუნველყოფილ ჯგუფებს ვეხმარებით და ვაძლევთ იმ რესურსებთან წვდომას, რომლებიც ხელს შეუწყობს მათი ეკონომიკური, საზოგადოებრივი და ბიზნეს მდგომარეობის გაუმჯობესებას.
ჩვენთვის პრიორიტეტული სფეროები
მცირე და მიკრო ბიზნესი
მცირე და მიკრო საწარმოები საერთაშორისო ეკონომიკის ხერხემალია. ჩვენი ვიღებთ ვალდებულებას, უზრუნველვყოთ ისინი ხელსაწყოებითა და რესურსებით, რომლებიც დაეხმარებათ საკუთარი ბიზნესის დაფინანსების, მართვისა და განვითარებისთვის საჭირო უნარების შეძენასა და გადაწყვეტის გზების მოფიქრებაში, ასევე, მისცემს წვდომას შესაბამის კავშირებთან და ფინანსურ სერვისებთან.
პრიორიტეტები
- ფინანსური განათლება და ციფრული წიგნიერების უნარების განვითარება
- ციფრული კომერცია და შესაძლებლობები
- კაპიტალის თანასწორუფლებიანი ხელმისაწვდომობა
სამართლიანობა და ინკლუზიურობა
ჩვენ გვჯერა, რომ ესა თუ ის საზოგადოება და ეკონომიკა ვითარდება, როცა ყველა ფიზიკური თუ იურიდიული პირი ოფიციალური ფინანსური სისტემის ნაწილია და ყველას შეუძლია ისარგებლოს ფინანსურ თუ ციფრულ შესაძლებლობებთან წვდომით. ჩვენი ინიციატივებისა და პარტნიორობების აქცენტი ყველასათვის და ყველგან ფინანსური თუ ციფრული ეკოსისტემის თანასწორუფლებიანი ხელმისაწვდომობაა.
პრიორიტეტები
- ქალთა ეკონომიკური როლის გაძლიერება
- რასობრივი სამართლიანობა
- ფინანსურ სერვისებთან წვდომა და სამართლიანობა ციფრულ ტექნოლოგიებთან წვდომის კუთხით
- ფინანსური განათლება
საზოგადოება
ჩვენ ვიღებთ ვალდებულებას, ხელი შევუწყოთ საზოგადოებას, რომელშიც ვცხოვრობთ და ვმუშაობთ, რისთვისაც ჩვენს რესურსებს, ქსელსა და საერთაშორისო მასშტაბით ჩვენი თანამშრომლების ნიჭს ვიყენებთ დადებითი სოციალური გავლენის მოსახდენად იქ, სადაც ეს ყველაზე მეტად საჭიროა.
პრიორიტეტები
- სტიქიური უბედურება და ჰუმანიტარული დახმარება
- მოხალისეობა და სიკეთის გაღება თანამშრომლების მხრიდან
- ფილანტროპია
შესამჩნევი წვლილი
ქველმოქმედება
2021 ფისკალურ წელს Visa Inc.-მა 21,5 მილიონ დოლარზე მეტი გაიღო მთელი მსოფლიო მასშტაბით საქველმოქმედო დაწესებულებებისთვის, ხოლო Visa-ს ფონდმა 25,9 მილიონ დოლარზე მეტი გასცა გრანტების სახით.
რჩეული პროგრამები და პარტნიორობები
პრაქტიკული ბიზნეს-უნარები (Practical Business Skills)
საერთაშორისო ციფრული პლატფორმა, რომელიც Visa-ს დახმარებით მუშაობს და უფასო საგანმანათლებლო რესურსებით ეხმარება მცირე თუ მიკრო ბიზნესის მფლობელებს ბიზნესის დაწყებაში, მართვასა და განვითარებაში.
ქალთა მსოფლიო საბანკო მომსახურება (Women’s World Banking)
Visa-ს ფონდის პარტნიორობა მთელი მსოფლიოს მასშტაბით ქალების მიერ მართული მილიონობით მიკრო და მცირე საწარმოს ფინანსური ხელშეწყობისთვის.
Hand in Hand
Visa-ს პარტნიორობა Hand in Hand-თან იმ მიზნით, რომ კენიაში 10 000-ზე მეტი მიკრო საწარმოსთვის, რომელთა 75%-ს ქალები ფლობენ, უზრუნველყოს ბიზნესის მართვისა და ფინანსურ უნარებთან დაკავშირებულ განათლებასთან წვდომა, ასევე, ფინანსურ სერვისებთან ფართო წვდომა.
UMKM Bisa!
Visa-ს პარტნიორობა Gojek-თან ინდონეზიაში იმ მიზნით, რომ მცირე და მიკრო ბიზნესის მფლობელებისთვის უზრუნველყოს ონლაინ-გაკვეთილები თუ რესურსები ბიზნესის შენარჩუნება-განვითარებაში დასახმარებლად.
Village Capital
Visa-ს ფონდის პარტნიორობა იმ აქსელერატორების მხარდასაჭერად, რომლებიც მუშაობს ლათინურ ამერიკაში არასაკმარისად უზრუნველყოფილი მეწარმეების წინაშე არსებული ფინანსური დანაკლისის შესავსებად, საკვებისა და სოფლის მეურნეობის კუთხით ინოვაციაზე აქცენტით.
საერთაშორისო ფონდი სოფლის მეურნეობის განვითარებისთვის (International Fund for Agricultural Development)
Visa-ს ფონდის პარტნიორობა, რომელიც იძლევა დასაქმების შესაძლებლობებს აფრიკის სოფლებში მაცხოვრებელი ახალგაზრდებისთვის, რისთვისაც ქმნის აგრომეწარმეობის ცენტრების ინოვაციურ და ინტეგრირებულ ქსელს სამეწარმეო პოტენციალისა და ტექნიკური/მენეჯერული უნარების გასაძლიერებლად.
TechnoServe
Visa-ს ფონდის პარტნიორობა იმ მიზნით, რომ ხელი შეუწყოს ინდოეთში ადგილობრივი ფერმერების კოოპერატივების გენდერულ მრავალფეროვნებას და მათ ინსტიტუციონალურ შესაძლებლობას, რომ გაუძლონ ეკონომიკურ შოკებს.
IFundWomen
გლობალური პარტნიორობა, რომელიც ეხმარება ქალ მეწარმეებს საგრანტო კონკურსების სერიის მეშვეობით საჭირო ფინანსების მოპოვებაში და მათთვის უზრუნველყოფს წვდომას პროფესიონალურ ბიზნეს-გაკვეთილებთან.
Kiva
Visa-ს ფონდის პარტნიორობა არასაკმარისად უზრუნველყოფილი მცირე და მიკრო საწარმოებისთვის ფინანსურ რესურსებთან წვდომის უზრუნველსაყოფად, რომლის ფარგლებშიც Visa-ს თანამშრომლები მონაწილეობას მიიღებენ მონაწილე საწარმოებისთვის მიკროსესხების განაწილებაში.
თანამშრომლებს საკუთარი წვლილი შეაქვთ
Visa მოუწოდებს და ხელს უწყობს თანამშრომლებს, რომ საკუთარი წვლილი შეიტანონ იმ ფორმით, რომელიც თავად იზიდავთ: იქნება ეს მოხალისეობა, თანხის გაღება თუ გასაჭირში მყოფი ადამიანებისა და საზოგადოების მხარდაჭერა.
როგორ ვაძლიერებთ თანამშრომლებს
- თითოეული თანამშრომლის მიერ გაცემულ საჩუქრებს ყოველწლიურად ვაორმაგებთ 10 000$-ის ფარგლებში
- გაორმაგებული თანხები „ხელგაშლილ სამშაბათს“ და შერჩეული შეწირულობებისთვის სტიქიური უბედურებების შედეგების შესამსუბუქებლად
- 16-საათიანი შვებულება მოხალისეებისთვის
- დოლარები სიკეთის მთესველთათვის (Dollars for Doers): თანამშრომლები საათში 10$-ს გამოიმუშავებენ საქველმოქმედო მიზნით გაწეული მოხალისეობრივი საქმიანობისთვის
- სასწავლო და Kiva-ს სასესხო პროგრამები მცირე ბიზნესისთვის