Visa Solution-ის მომსახურების პირობები

მნიშვნელოვანი: გთხოვთ, ყურადღებით გაეცნოთ VISA SOLUTON-ის მომსახურების პირობებს (შემდგომში "პირობები"). თუკი დარეგისტრირდით VISA SOLUTION-ზე ან გააქტიურეთ ბარათი VISA SOLUTION-ის გამოყენებისთვის, ადასტურებთ, რომ გესმით და ეთანხმებით ყველა ამ პირობას. ეს პირობები ანაცვლებს VISA SOLUTION-თან დაკავშირებულ ყველა წინაპირობას.

2024 წლის 1 ივლისის შემდეგ, Visa Solution-ის რეგისტრაციებისთვის გამოიყენება შემდეგი პუნქტი.

The Visa Solution-ის გამოყენება დასაშვებია მხოლოდ უფლებამოსილ ბარათებთან. ადასტურებთ, რომ თუ თქვენი ემიტენტი ან Click to Pay-ის სხვა პარტნიორი უზრუნველყოფს შესაბამის ბარათზე Click to Pay სერვისს, შესაძლოა Visa Solution-ის გამოყენების უფლება ამ ბარათისთვის აღარ გქონდეთ. Visa შეიძლება კოორდინაციაში იყოს თქვენს ემიტენტთან ან Click to Pay-ის პარტნიორთან და გაუზიაროს შესაბამისი ინფორმაცია, თანმიმდევრული და გამარტივებული გამოცდილების უზრუნველსაყოფად. თუ თქვენი ბარათი არ არის Visa Solution-ის გამოყენებისთვის უფლებამოსილი, თქვენ ეთანხმებით პირობებს, რომ ეს არ ნიშნავს Visa-სთან რაიმე შეთანხმების არსებობას და დარჩენილი პირობები მასზე არ ვრცელდება. გამოყოფილი ტერმინები, წინამდებარე პირობებშია განსაზღვრული.

  1. Visa Solution

    Visa Solution-ის სერვისის ოპერატორია კომპანია Visa U.S.A. Inc. („Visa“ ან „ჩვენ“). Visa-ს საკონტაქტო ინფორმაცია მითითებულია ქვემოთ, პუნქტში 17.1 (დაგვიკავშირდით).

    ამ პირობების შესაბამისად, ტერმინი "Visa Solution", გულისხმობს Visa-ს მიერ წარმოდგენილ და/ან მოწოდებულ ყველა ფუნქციას და სერვისს, მათ შორის Visa Click to Pay და/ან Visa Checkout-ს, რომელიც ამჟამად ხელმისაწვდომია ან მომავალში დაემატება ამ ბრენდის ქვეშ თუ სხვა სახელწოდებით. ამასთან, Visa Solution შეიძლება ხელმისაწვდომი იყოს ვებსაიტის ან მობილური ვერსიის მეშვეობით, რომელიც ფუნქციონირებს, დომენის ან ქვედომენის ("ვებსაიტი") სახით, ასევე ბარათის გამცემის, გადახდის ორგანიზაციის, სავაჭრო ობიექტის ან სხვა მესამე მხარის მიერ შემოთავაზებული აპლიკაციის ან ფუნქციონალის საშუალებით (ერთობლივად "სერვისები"); ლოგოები, დიზაინები, ტექსტები, გამოსახულებები, ვიდეოები, გრაფიკები, პროგრამული უზრუნველყოფა, ასვე Visa-ს ან მისი ლიცენზიატის საკუთრებაში არსებული სხვა შინაარსი და მასალები, რომლებიც ხელმისაწვდომია Visa Solution-ის მეშვეობით, მათი შერჩევა და განლაგება (ერთობლივად "შინაარსი"), ისევე როგორც Visa-ს აპარატურა, პროგრამული უზრუნველყოფა და ქსელები, რომლებიც დაკავშირებულია Visa Solution-ის თქვენს ხელმისაწვდომობასთან (ერთობლივად "Visa Solution-ის სისტემა").

    Visa Solution-ი გთავაზობთ შესაძლებლობას (i) შეინახოთ გადახდების ანგარიში ან სხვა შესაბამისი ინფორმაცია, როგორიცაა ელფოსტის მისამართი, მობილურის ნომერი, ანგარიშსწორების და მიწოდების მისამართები ("ბარათის დეტალები") თქვენი Visa საკრედიტო, დებიტური, განახლაბდი წინასწარ გადახდილი ბარათებისა და გადახდის სხვა მეთოდებისთვის, რომელიც Visa-ს მიერ მიჩნეულია Visa Solution-ის გამოყენებისთვის უფლებამოსილად ("უფლებამოსილი ბარათები") და (ii) გამოიყენოთ Visa Solution ბარათების დეტალების გასაზიარებლად მერჩანტებთან ან სხვა მესამე პირებთან, ასევე ტრანზაქციების დასამუშავებლად, იქ სადაც Visa ბართები მიიღება, რაც ხელმისაწვდომია Click to Pay ხატულზე‍‍, ან Visa Checkout-ის ნიშნულზე. Visa-ს შეუძლია ავტომატურად განაახლოს ბარათის გარკვეული მონაცემები, როგორიცაა ბარათის ნომერი და ვადაგასვლის თარიღი, რომლებიც მოწოდებულია თქვენი უფლებამოსილი ემიტენტის, ფინანსური ინსტიტუტის ან სხვა შესაბამისი სუბიექტის მხრიდან.

    თქვენი ემიტენტი უფლებამოსილია მოგვაწოდოს დამატებითი ინფორმაცია თქვენი უფლებამოსილი ბარათების შესახებ, როგორიცაა დაგროვილი საპრიზო ქულები, განვადების შესაძლებლობა და ბარათ(ებ)ის სხვა უპირატესობები. ამგვარად, Visa Solution-ის ფარგლებში, ჩვენ მოგაწვდით ამ ინფორმაციას ზუსტად იმ ფორმით, რა ფორმითაც იგი მიღებულია თქვენი უფლებამოსილი ბარათის ემიტენტისგან. ამ ინფორმაციის შესახებ კითხვების შემთხვევაში, გთხოვთ, დაუკავშირდეთ თქვენს ემიტენტს. საჭიროების შემთხვევაში, Visa მოახდენს თქვენი მონაცემების დამუშავებას იმის დასადგენად, გაქვთ თუ არა წვდომის უფლება მოცემულ ვარიანტებსა და შეღავათებზე, რომ უზრუნველყოფს მათი ჩვენება თქვენთვის.

    Visa Solution-ის გამოყენებისას, ტრანზაქციის დასამუშავებლად, ჩვენ გადავცემთ თქვენი ბარათის დეტალებს მერჩანტს ან სხვა შესაბამის მესამე მხარეს. Visa-ს შეუძლია დააგენერიროს თქვენი Visa-ს უფლებამოსილი ბარათის გადახდის ანგარიშის ნომერი (ტოკენი), რომელიც გამოიყენება თქვენი ბარათის უსაფრთხოების უზრუნველსაყოფად. თქვენ ეთანხმებით, რომ მერჩანტს ან სხვა შესაბამის მესამე მხარეს შეუძლია ტრანზაქციის შესახებ ინფორმაცია გადაგზავნოს თქვენი უფლებამოსილი ბარათის შესაბამის ქსელში და რომ ტრანზაქცია შესრულდება იმ ბარათით, რომელიც თქვენ აირჩიეთ.

    თქვენ ადასტურებთ, რომ ბარათის მონაცემები, რომლებიც Visa Solution-ის საშუალებით არის შენახული ან მოწოდებული, წარმოდგენილია თქვენ მიერ ან თქვენი სახელით, ემიტენტის, მერჩანტის ან მესამე პირის მიერ, და მოიცავს პირად ფინანსურ ინფორმაციას. თქვენ შეგიძლიათ გამოიყენოთ უფლებამოსილი ბარათები Visa Solution-ის ფარგლებში მხოლოდ იმ შემთხვევაში, თუ თქვენი ემიტენტი ადასტურებს, რომ ხართ ბარათის მფლობელი ან უფლებამოსილი მომხმარებელი და თქვენი სახელი მითითებულია შესაბამის ბარათზე. თქვენ ადასტურებთ და ეთანხმებით, რომ პასუხისმგებელი ხართ Visa Solution-ში შენახული ან Visa Solution-ის გამოყენებით მოწოდებული ბარათის დეტალებზე და სხვა ინფორმაციის სიზუსტეზე და სისრულეზე. თქვენ უნდა გამოიყენოთ მხოლოდ ვალიდური ელ.ფოსტის მისამართები და ტელეფონის ნომრები, რომლებიც კონტროლდება თქვენი მხრიდან. მიუხედავად იმისა, რომ Visa გარკვეულ ვალიდაციის შემოწმებებს ატარებს Visa ბარათის დეტალებზე, ის არ იღებს პასუხისმგებლობას ბარათის დეტალების ან სხვა თქვენ მიერ მოწოდებული ინფორმაციის სიზუსტეზე, მათ შორის იმაზე, არის თუ არა აღნიშნული ინფორმაცია მოქმედი ან განახლებული.

    Visa Solution არ წარმოადგენს ბანკს ან გადახდების ანგარიშს და არც თქვენთვის, არც მერჩანტისთვის არ სთავაზობს საკრედიტო მომსახურებას. ნებისმიერი ტრანზაქცია, რომელიც შესრულდება Visa Solution-ის გამოყენებით, აისახება ანგარიშზე, რომელიც დაკავშირებულია იმ უფლებამოსილ ბარათთან, რომელსაც გამოიყენებთ ტრანზაქციისთვის. ამ ანგარიშთან დაკავშირებული გადახდასთან საკითხები მხოლოდ თქვენსა და თქვენი შესაბამისი ბარათის გამცემ ბანკს შორის უნდა მოგვარდეს.

  2. მნიშვნელოვანი შეტყობინება თქვენი ტრანზაქციების შესახებ

    მიუხედავად იმისა, რომ Visa Solution ტრანზაქციის განხორციელების ხელშემწყობია, Visa არ წარმოადგენს აღნიშნული ტრანზაქციის მხარეს. Visa Solution-ის გამოყენებასთან დაკავშირებული ნებისმიერი გადახდა — იქნება ეს გადახდა მერჩანტისთვის თუ მერჩანტისგან, მათ შორის საქონლის ან მომსახურების შეძენა ან დაბრუნება — სრულად ხდება მხოლოდ თქვენსა და მოვაჭრეს შორის.

    თუ თქვენ გჭირდებათ რომელიმე ტრანზაქციის დაბრუნება ან გაუქმება, რომელიც განხორციელდა Visa Solution-ის მეშვეობით, უნდა დაუკავშირდეთ შესაბამის მერჩანტს და/ან იმ უფლებამოსილი ემიტენტს, რომელიც გამოიყენეთ ტრანზაქციისთვის. გთხოვთ გაითვალისწინოთ, რომ Visa არ წარმოადგენს ტრანზაქციის მხარეს და, შესაბამისად, არ შეუძლია გადაჭრას რაიმე პრობლემა, რომელიც შესაძლოა გქონდეთ ამ ტრანზაქციასთან დაკავშირებით.

    თუ Visa Solution-ის გამოყენებით განხორციელებულ ტრანზაქციასთან დაკავშირებით გაქვთ დავა მერჩანტთან, პასუხისმგებელი ხართ, რომ აღნიშნული დავა მოაგვაროთ პირდაპირ მერჩანტთან ან თქვენი ბარათის ემიტენტის მეშვეობით. Visa Solution-ის ფუნქციონირების სპეციფიკიდან გამომდინარე, Visa არ წარმოადგენს ტრანზაქციის მხარეს.

  3. მომსახურების პირობები

    Visa Solution ყველა შესაბამისი ბარათისთვის შესაძლოა არ იყოს ხელმისაწვდომი. ამასთან, Visa-ს შეიძლება, საკუთარი შეხედულებისამებრ, წაშალოს უფლებამოსილი ბარათები Visa Solution-დან ან შეუზღუდოს მათ Visa Solution-ზე გააქტიურების შესაძლებლობა. Visa ასევე უფლებამოსილია გადახედოს, იქნება ეს კონკრეტული თუ ზოგადი, საკრედიტო, სადებეტო, განახლებადი წინასწარი გადახდის ბარათების ან სხვა გადახდის მეთოდების შესაბამისობას, რომლებიც წარმოადგენს უფლებამოსილ ბარათებს.

  4. მონაწილეობის უფლება

    Visa Solution ხელმისაწვდომია მხოლოდ იმ პირებისთვის, რომლებიც:

    1. არიან შემდეგი იურისდიქციებიდან ერთ-ერთის მაცხოვრებლები: ანდორა, არგენტინა, ავსტრალია, ავსტრია, ბაჰრეინი, ბელარუსი, ბელგია, ბოლივია, ბრაზილია, ბულგარეთი, კანადა, ჩილე, ჩინეთი (მათ შორის მაკოგნკი), კოლუმბია, კოსტა-რიკა, ხორვატია, კვიპროსი, ჩეხეთის რესპუბლიკა, დანია, დომინიკის რესპუბლიკა, ეკვადორი, ელ-სალვადორი, ესტონეთი, ფინეთი, საფრანგეთი, საქართველო, გერმანია, საბერძნეთი, გვატემალა, ჰონდურასი, უნგრეთი, ისლანდია, ინდოეთი, ინდონეზია, ირლანდია, ისრაელი, იტალია, იაპონია, იორდანია, ყაზახეთი, ქუვეითი, ლატვია, ლიტვა, ლუქსემბურგი, მალაიზია, მალტა, მექსიკა, ნიდერლანდები, ახალი ზელანდია, ნიკარაგუა, ნორვეგია, პანამა, პარაგვაი, პერუ, ფილიპინები, პოლონეთი, პორტუგალია, ყატარი, რუმინეთი, საუდის არაბეთი, სინგაპური, სლოვაკეთი, სლოვენია, სამხრეთ აფრიკა, სამხრეთ კორეა, ესპანეთი, შვედეთი, შვეიცარია, ტაივანი, ტაილანდი, უკრაინა, არაბთა გაერთიანებული საამიროები, დიდი ბრიტანეთი, ამერიკის შეერთებული შტატები (მათ შორის მისი ტერიტორიული ერთეულები), ურუგვაი ან ვიეტნამი, თითოეული ამ იურისდიქციის ხელმისაწვდომობის ფარგლებში (შემდგომ — „უფლებამოსილი იურისდიქციები“);
    2. მათი იურისდიქციის, პროვინციის ან საცხოვრებელი ტერიტორიის მიხედვით კანონით დადგენილი სრულწლოვანების ასაკი;
    3. შეუძლია ინტერნეტთან წვდომა კომპიუტერით ან სხვა მოწყობილობაზე; და
    4. ერთზე მეტი უფლებამოსილი ბარათის მფლობელი ან ავტორიზებული მომხმარებელი და მათი უფლებამოსილი ბარათის ანგარიშების მიმართ კეთილსაიმედო მდგომარეობაში მყოფი პირი;

    დაუშვებელია Visa Solution-თან წვდომა ნებისმიერი ისეთი ადგილიდან, სადაც იგი უკანონოა ან სხვაგვარად შეზღუდულია. თუ იცვლით საცხოვრებელ იურისდიქციას, აუცილებელია დაუყოვნებლივ გააუქმოთ Visa Solution-დან რეგისტრაცია და ხელახლა დარეგისტრირდეთ თქვენი ახალი იურისდიქციის მითითებით, იმ შემთხვევაში, თუ ის მიეკუთვნება უფლებამოსილ იურისდიქციებს. თუ თქვენი ახალი ადგილმდებარეობა შესაბამის იურისდიქციაში არ შედის, შეგიძლიათ ხელახლა დარეგისტრირდეთ მაშინ, როდესაც Visa Solution ხელმისაწვდომი გახდება თქვენს ახალ ლოკაციაზე.

  5. რეგისტრაცია და უსაფრთხოება

    თუ გადაწყვეტთ Visa Solution-სთვის უფლებამოსილი ბარათის რეგისტრაციას ან გააქტიურებას, თქვენ ადასტურებთ, რომ მოგვაწვდით უტყუარ, სანდო, არსებულ და სრულყოფილ ინფორმაციას თქვენს შესახებ და განაახლებთ მას ნებისმიერი ცვლილების შემთხვევაში. მაქსიმალურად, რაც მოქმედი კანონმდებლობით არის დაშვებული, თქვენ ადასტურებთ და ეთანხმებით, რომ Visa არ იქნება პასუხისმგებელი შედეგებზე, რომლებიც გამოწვეულია თქვენი მხრიდან ზუსტი ინფორმაციის ან მისი განახლების არ მიწოდებასთან დაკავშირებით, მათ შორის Visa Solution-თან დაკავშირებული მნიშვნელოვანი ინფორმაციის. თუ Visa-ს აქვს საფუძვლიანი ეჭვი, რომ თქვენ მიერ მიწოდებული ინფორმაცია არის მცდარი, არაზუსტი ან არასრული, იგი იტოვებს უფლებას, შეაჩეროს ან შეწყვიტოს თქვენი რეგისტრაცია Visa Solution-ში, ასევე მისი გამოყენება, და უარი თქვას მომსახურების ნებისმიერ მიმდინარე ან მომავალ გამოყენებაზე (სერვისის ნებისმიერი ნაწილის ჩათვლით).

    რეგისტრაციის პროცესის ფარგლებში, თქვენ ვალდებული ხართ შექმნათ მომხმარებლის სახელი, ხოლო ზოგიერთ ქვეყანში, შესაძლოა დაგჭირდეთ პაროლის შექმნაც. ეს მონაცემები გამოიყენება თქვენი ვერიფიკაციისთვის Visa Solution-ის გამოყენებისას. თუ Visa Solution-ის ანგარიშის უსაფრთხოებისთვის პაროლის შექმნა დაგჭირდებათ, შეარჩიეთ უნიკალური პაროლი, დაიმახსოვრეთ თქვენი მომხმარებლის სახელი და პაროლი და არ შეინახოთ ეს ინფორმაცია პერსონალურ კომპიუტერზე, პლანშეტზე, მობილურ მოწყობილობაზე ან სხვა მოწყობილობაზე, რომელსაც Visa Solution-თან წვდომისთვის იყენებთ. თქვენ ხართ პასუხისმგებელი თქვენი მომხმარებლის სახელისა და პაროლ(ებ)ის კონფიდენციალურობის დაცვაზე (ასეთის არსებობის შემთხვევაში). გარდა ამისა, თუ თქვენ აირჩევთ, რომ თქვენი მოწყობილობა ან ბრაუზერი დამახსოვრდეს, ან Visa Solution-ის გამოყენება ერთ ან რამდენიმე მოწყობილობაზე არსებულ ციფრულ საფულეს დაუკავშიროთ, თქვენ ხართ პასუხისმგებელი ასეთ მოწყობილობებზე უსაფრთხოების შენარჩუნებასა და წვდომის კონტროლზე. ეს მნიშვნელოვანი საკითხია, რადგან თქვენი უფლებამოსილი ბარათის არაავტორიზებული გამოყენებით გამოწვეული დანაკარგებისათვის ჩვენ არ ვაგებთ პასუხს და გარკვეულ გარემოებებში, პასუხისმგებლობა შეიძლება დაგაკისროთ თქვენმა ემიტენტმა. ეთანხმებით, რომ დაუყოვნებლივ აცნობებთ Visa-ს თქვენი მომხმარებლის სახელის, პაროლის (ასეთის არსებობის შემთხვევაში) ან უფლებამოსილი ბარათის Visa Solution-ში ნებისმიერი არაავტორიზებული გამოყენების შესახებ, ასევე იმ მოწყობილობის დაკარგვის, ქურდობის ან სხვა არაავტორიზებული წვდომის შემთხვევაში, რომელზეც აირჩიეთ მონაცემების შენახვა ან Visa Solution-ის დაკავშირება ციფრულ საფულესთან. აგრეთვე, ვალდებული ხართ შეატყობინოთ Visa-ს, Visa Solution-ის გამოყენებასთან დაკავშირებული უსაფრთხოების ნებისმიერი ფაქტობრივი ან პოტენციური დარღვევის შესახებ. Visa იტოვებს უფლებას წაშალოს თქვენი უფლებამოსილი ბარათები Visa Solution-დან, შეაჩეროს ან შეწყვიტოს Visa Solution-ის გამოყენება და/ან, თუ გაქვთ პაროლი, მოგთხოვოთ მისი შეცვლა, თუ Visa ჩათვლის, რომ თქვენი პაროლის უსაფრთხოება დაირღვა.

    თქვენ ხართ პასუხისმგებელი Visa Solution-ზე თქვენი უფლებამოსილი ბარათების გამოყენებაზე და ვალდებული ხართ უზრუნველყოთ ამ პირობების სრული დაცვა Visa Solution-ის გამოყენებისა და მასზე წვდომის დროს.

    თქვენ ეთანხმებით, რომ ვერიფიცირების მიზნით, Visa-მ, ელ.ფოსტაზე და/ან მობილურ ტელეფონზე, შეიძლება გამოგიგზავნოთ ერთჯერადი პაროლი, Visa Solution-ის გამოყენებისას. თქვენ ასევე ეთანხმებით, რომ Visa შეიძლება გამოიყენოს ინფორმაცია იმ მოწყობილობების შესახებ, საიდანაც ხართ ჩართული Visa Solution-ში, თქვენი იდენტიფიცირებისთვის, თქვენს მოწყობილობებსა და Visa Solution-ში რეგისტრირებულ ბარათებს შორის უსაფრთხო კავშირის უზრუნველსაყოფად.

    ჩვენ რეგულარულად ვამოწმებთ Visa Solution-ის უსაფრთხოების ღონისძიებებს. თუმცა, ვერ მოგცემთ გარანტიას, რომ ინფორმაცია, რომელსაც გადასცემთ ინტერნეტის საშუალებით, სრულიად უსაფრთხოა.

    Visa Solution-ის გამოყენებისას, შეგიძლიათ გამოიყენოთ თქვენი პირადი მოწყობილობის ფუნქციები, როგორიცაა თითის ანაბეჭდი, სახის ამოცნობა და/ან მოწყობილობის პაროლი („პაროლები“), იმ შემთხვევაში, თუ Visa აღნიშნულ შესაძლებლობებს იძლევა. წვდომის პაროლების გამოყენება რეგულირდება თქვენს და თქვენი მოწყობილობის მწარმოებელს შორის დადებული შეთანხმებით. თქვენი თითის ანაბეჭდები, სახის ავტენტიფიკაციის მონაცემები და/ან მოწყობილობის პაროლი არ ინახება თქვენი მოწყობილობის გარეთ. თქვენ შეგიძლიათ თავად გადაწყვიტოთ, გამოიყენოთ თუ არა წვდომის პაროლები გადახდის ტრანზაქციების დროს. ასევე შეგიძლიათ გამორთოთ წვდომის პაროლების გამოყენება Visa Solution-ში ბარათის ან მოწყობილობის წაშლით..

  6. ბარათის მფლობელის შეთანხმება

    აღნიშნული პირობები არ ცვლის და არ წარმოადგენს თქვენს ემიტენტთან არსებულ „ბარათის მფლობელის შეთანხმებაში“ შესწორებას ან ჩანაცვლებას. ამ წესებსა და ბარათის მფლობელის შეთანხმებას შორის ნებისმიერი შეუსაბამობის შემთხვევაში, უპირატესობა ენიჭება ამ წესებს მხოლოდ იმ ნაწილში, რომელიც არეგულირებს Visa Solution-ის გამოყენებას თქვენსა და Visa-ს შორის, ხოლო ბარათის მფლობელის შეთანხმება კვლავ ძალაში რჩება თქვენსა და ემიტენტს შორის. თქვენ პასუხისმგებლობთ იმის უზრუნველყოფაზე, რომ Visa Solution-ის გამოყენება შეესაბამებოდეს ბარათის მფლობელის შეთანხმებას.

  7. მოსაკერებლები, საკომისიოები და გადასახადები

    თქვენი პასუხისმგებლობაა შეიძინოთ და უზრუნველყოთ Visa Solution-ის გამოყენებისთვის საჭირო ყველა საჭირო რესურსი, მათ შორის, ტექნიკა, პროგრამული უზრუნველყოფა, ინტერნეტ-ქსელზე წვდომა და შესაბამისი ხარჯების (საკომისიოები, მოსაკრებლები და სხვა) გადახდა. შეტყობინებებისა და მონაცემთა გადაცემისთვის, შესაძლოა დაგეკისროთ ტარიფები. თქვენ სრულად პასუხსმგებელი ხართ იმ პროცენტების, საკომისიოების, გადასახადებისა და სხვა ხარჯების გადახდაზე, რომლებიც წარმოიშობა Visa Solution-ის გამოყენების შედეგად, როგორც უფლებამოსილი ბარათის ემიტენტის, ისე შესაბამისი საგადასახადო ორგანოების მხრიდან.

  8. კონფიდენციალურობა

    Visa ამუშავებს თქვენს პერსონალურ ინფორმაციას იმდენად, რამდენადაც ეს აუცილებელია Visa Solution-ის თქვენთვის უზრუნველსაყოფად (ამ მომსახურების პირობების შესაბამისად), ასევე დაკავშირებული მიზნებისთვის, რომლებიც აღწერილია Visa-ს გლობალურ კონფიდენციალურობის შეტყობინებაში („კონფიდენციალურობის შეტყობინება“), ეს მიზნები მოიცავს, მათ შორის, Visa-ის გადაწყვეტილებებთან ინტეგრაციას, თაღლითობის პრევენციას, ავთენტიფიკაციასა და გადახდის პროცესის გამარტივებას. დამატებითი ინფორმაციისთვის იმის შესახებ, თუ როგორ აგროვებენ, იცავენ და აზიარებენ თქვენს პერსონალურ ინფორმაციას Visa და მისი პარტნიორები, Visa Solution-ის გამოყენებისას, ასევე თქვენთვის ხელმისაწვდომი კონფიდენციალურობის არჩევანის შესახებ, გთხოვთ, გაეცნოთ Visa-ის გლობალურ კონფიდენციალურობის შეტყობინებას.

    თუ იყენებთ სხვა სერვისებს, რომლებიც უზრუნველყოფილია თქვენი ემიტენტის მერჩანტის ან სხვა მესამე მხარის მიერ (მათ შორის იმ შემთხვევაშიც, როდესაც ეს სერვისები ხელმისაწვდომია Visa Solution-ის მეშვეობით), შესაძლებელია ამ სერვისებზე ვრცელდებოდეს ცალკეული კონფიდენციალურობის პოლიტიკა.

    Visa Solution იყენებს Google-ის ავტომატური შევსების ფუნქციას Visa Solution-ის გამოცდილების გასამარტივებლად. იმ მოცულობით, რა მოცულობითაც Google ამუშავებს თქვენს პერსონალურ ინფორმაციას, ის მას ახორციელებს Google-ის მომსახურების პირობებისა და Google-ის კონფიდენციალურობის პოლიტიკის შესაბამისად.

    თქვენ ხართ პასუხისმგებელი იმაზე, რომ თქვენს ანგარიშთან დაკავშირებული პერსონალური ინფორმაცია იყოს შესაბამისი და განახლებული.

  9. საკუთრების უფლებები

    Visa Solution-ის ყველა საკუთრების უფლება, მათ შორის შინაარსი, ეკუთვნის Visa-ს, მის შვილობილ კომპანიებსა და ლიცენზიორებს და დაცულია შესაბამისი საავტორო უფლებებით, სავაჭრო ნიშნებით, სხვა საკუთრების (მათ შორის ინტელექტუალური საკუთრების) უფლებებითა და საერთაშორისო ხელშეკრულებებით. ყველა უფლება, რომელიც ამ წესებით თქვენთვის პირდაპირ არ არის მინიჭებული, რჩება Visa-ს, მის შვილობილ კომპანიებსა და ლიცენზიორებს. წინამდეაბარე წესების არც ერთი პუნქტი გაძლევთ უფლებას გამოიყენოთ Visa-ს, მისი შვილობილი კომპანიების ან ნებისმიერი მესამე მხარის სავაჭრო ნიშანი, მომსახურების ნიშანი, ლოგო ან სხვა წარმოშობის აღნიშვნა. „შვილობილი კომპანია“ არის პირი, რომელსაც აკონტროლებენ, აკონტროლებს ან ექვემდებარება Visa-ს საერთო კონტროლს.

  10. ლიცენზიის მინიჭება

    Visa გაძლევთ შეზღუდულ, გაუქმებად, არაექსკლუზიურ, არალიცენზირებად და სხვაგვარად არაგადაცემად ლიცენზიას Visa Solution-ის გამოყენებისთვის ამ პირობების შესაბამისად, იმ პერიოდის განმავლობაში, რამდენ ხანსაც თქვენ სარგებლობთ Visa Solution-ით. Visa-ს შეუძლია, საკუთარი შეხედულებისამებრ, შეაჩეროს, შეწყვიტოს ან გააუქმოს ეს ლიცენზია ნებისმიერ დროს და ნებისმიერი მიზეზით. ყველა ის უფლება, რომელიც თქვენზე მკაფიოდ არ გადმოცემულა, ეკუთვნის Visa-ს, მის შვილობილ კომპანიებსა და ლიცენზიარებს.

  11. უკუკავშირი

    თუ Visa Solution-ის შესახებ გაგვიზიარებთ გამოხმაურებას ან წინადადებებს, ჩვენ შეგვიძლია გამოვიყენოთ ისინი თქვენი მიმართ რაიმე ვალდებულების გარეშე.

  12. მომხმარებლის ქცევა

    თქვენ ეთანხმებით, შეასრულოთ ყველა შესაბამისი კანონი, წესი, რეგულაცია და სხვა სამართლებრივი მოთხოვნა, დაკავშირებულია Visa Solution-ის გამოყენებასთან. დამატებით, თქვენ ეთანხმებით, რომ:

    • გამოიყენებთ Visa Solution-ს მხოლოდ კანონით ნებადართულ ფარგლებში;
    • Visa Solution-ს არ გამოიყენებთ წინამდებარე წესების დარღვევით;
    • არ შეუშლით ხელს ან არ შეაფერხებთ Visa Solution-ის რომელიმე პუნქტის უსაფრთხოებას ან არ გამოიყენებთ მას არასათანადოდ;
    • არ შეეცდებით თვითნებურად მოიპოვოთ წვდომა Visa Solution-ის იმ ნაწილებზე, რომელთა წვდომაც შეზღუდულია ან სპეციალურად არ არის განკუთვნილი თქვენსთვის.
    • არ გამოიყენებთ Visa Solution-ს ნებისმიერი ფორმით, რომელიც შეიძლება მიჩნეულ იქნას არასწორად და/ან ცილისმწამებლურად, ბოროტად, ვულგარულად, სიძულვილის გამავრცელებლად, შეურაცხმყოფელად, უხამსად, რეპუტაციის შემლახველად, საშიშროების შემცველად, პიროვნების პირადი ცხოვრების ხელმყოფელად ან ნებისმიერი მესამე პირის უფლებების დამრღვევად;
    • არანაირი ფორმით არ მოახდენთ Visa Solution-ის რეპროდუცირებას, არ შეინახავთ მას და არ დაუკავშირებთ რაიმე ელექტრონულ, მექანიკურ ან სხვა სახის ინფორმაციის მოძიების სისტემასთან.
    • არ განახორციელებთ Visa Solution-ის და მისი ნებისმიერი შემადგენელი პუნქტის კოპირებას, მიბაძვას, კლონირებას, დაქირავებას, გაქირავებას, გაყიდვას, კომერციულ მოხმარებას, მოდიფიცირებას, დეკომპილირებას, დემონტაჟს, დისტრიბუციას, საინჟინრო ანალიზს ან გადაცემას;
    • Visa Solution-ის გამართული მუშაობის შესაფერხებლად ან შეფერხების მცდელობისთვის არ გამოიყენებთ არავითარ მოწყობილობას, პროგრამულ უზრუნველყოფას ან რეჟიმს და/ან არ გადადგამთ ნაბიჯს, რომელიც არაგონივრულ და არაპროპორციულად დიდ სირთულეს უქმნის Visa Solution-ის სისტემას, როგორც განსაზღვრულია Visa-ს კერძო შეხედულებისამებრ; და
    • დაიცავთ შესაბამისობას ნებისმიერ სხვა ვალდებულებასთან, აკრძალვასთან და შეზღუდვასთან, რომელსაც დროდადრო Visa ან თქვენი ემიტენტი დაგაკისრებთ.

  13. გარანტიების უარყოფა და პასუხისმგებლობის შეზღუდვა

    VISA SOLUTION, სრულად ან ნაწილობრივ, მათ შორის ყველა სერვისი, მოწოდებულია პრინციპით „როგორც არის“ და „როგორც ხელმისაწვდომია“, ყოველგვარი გამოხატული ან ნაგულისხმევი გარანტიების გარეშე, მათ შორის საკუთრების უფლებაზე, სავაჭრო ვარგისიანობასა და კონკრეტული მიზნისთვის ვარგისიანობაზე ნაგულისხმევი გარანტიების გარეშე. ჩვენ არ ვიძლევით გარანტიას, რომ VISA SOLUTION-ის სისტემა ვირუსებისგან დაცულია ან რომ წვდომა VISA SOLUTION-ზე იქნება უწყვეტი და შეუფერხებელი. შესაბამისი კანონით დაშვებულ უმაღლეს დონეზე, თქვენ პირდაპირ ადასტურებთ და ეთანხმებით, რომ იღებთ სრულ პასუხისმგებლობასა და რისკს VISA SOLUTION-ის მოხმარებასთან, მის შედეგებთან და მუშაობის ხარისხთან დაკავშირებით.

    არცერთი გარემოება ან სამართლებრივი საფუძველი, მათ შორის უყურადღებობაც, არ წარმოადგენს საფუძველს, რომლითაც Visa, მისი შვილობილი კომპანიები ან მათი შესაბამისი ხელმძღვანელები, დირექტორები, წევრები, თანამშრომლები, მომხმარებლები ან ავტორიზებული აგენტები (ერთობლივად „Visa-ის მხარეები“) იქნებიან პასუხისმგებელნი ნებისმიერი სახის ზიანზე. Visa-ის მხარეები არ აგებენ პასუხს არანაირ ზიანზე ან მოთხოვნებზე (მათ შორის კომპენსაციური, შემთხვევითი, არაპირდაპირი, სპეციალური, თანმდევი, სანქციური ან სანიმუშო ზიანის ჩათვლით), რომლებიც შეიძლება წარმოიშვას Visa Solution-ის ან ამ წესებთან კავშირის საფუძველზე, მიუხედავად მიზეზისა ან სამართლებრივი პასუხისმგებლობის თეორიისა, იმ შემთხვევაშიც კი, თუ აღნიშნული მხარეები წინასწარ იყვნენ გაფრთხილებულნი მსგავსი ზიანის, მოთხოვნის ან დანაკარგის შესაძლებლობის შესახებ.

    ზემოაღნიშნულის ზოგადი ხასიათის შეზღუდვის მიუხედავად, Visa-ს მხარეები არ არიან პასუხისმგებელნი თქვენს წინაშე ან მესამე მხარის წინაშე შემდეგ შემთხვევებში: (i) Visa Solution-ის თქვენი მხრიდან გამოყენებასთან ან მისი გამოყენების შეუძლებლობასთან დაკავშირებით, ნებისმიერი მიზეზით, მათ შორის იმ შემთხვევაშიც, როდესაც თქვენმა ემიტენტმა უარი განაცხადა ტრანზაქციის ავტორიზაციაზე ან მერჩანტმა არ მიიღო ტრანზაქცია. (ii) Visa Solution-ის გამოყენებასთან დაკავშირებული ნებისმიერი საქონლის, მომსახურების ან ინფორმაციის შეძენა ან მიღება, მათ შორის შემთხვევები, როდესაც თქვენ არ იღებთ ან არ აბრუნებთ ასეთ საქონელს, მომსახურებას ან ინფორმაციას; (iii) თქვენსა და მერჩანტს შორის წარმოშობილი ნებისმიერი დავა; (IV) ნებისმიერი არაზუსტი, არასრული ან მცდარი ინფორმაცია, რომელიც გადმოცემულია Visa Solution-ის მეშვეობით, მათ შორის ინფორმაცია, რომელსაც აწვდის თქვენი ემიტენტი ან სხვა მესამე პირები; (v) თქვენს მიერ გადაცემული მონაცემების ან Visa Solution-თან დაკავშირებული ნებისმიერი ინფორმაციის უნებართვო წვდომა, შეცვლა ან დაკარგვა; (vi) შეცდომები, სისტემის გათიშვა, ქსელის ან სისტემის გაუმართაობა, ფაილების დაზიანება ან მომსახურების შეფერხება; (vii) Visa Solution-ის თქვენი ნებისმიერი სხვა სახით გამოყენება. ამასთან, VISA-ს მხარეები არ იქნებიან ვალდებულნი, თუ ვერ ხერხდება ან ფერხდება წინამდებარე წესებით გათვალისწინებული ვალდებულებების შესრულება, რაც გამოწვეული შეიძლება იყოს, პირდაპირ ან ირიბად, ნებისმიერი აპარატურის შეფერხებით, გადაცემის ან ჩაბარების პრობლემებით ან რაიმე სახის შრომითი დავით, ომით, ბუნებრივი კატასტროფით, ტერორისტული აქტით, სტიქიური უბედურებით ან ჩვენს კონტროლს მიღმა არსებული ნებისმიერი სხვა მოვლენით.

    აქ წარმოდგენილი ნებისმიერი საწინააღმდეგო ინფორმაციის მიუხედავად, VISA-ს მხარეების ქმედების ნებისმიერი მიზეზიდან წარმოშობილი ერთობლივი პასუხისმგებლობა, ყოველთვის შეზღუდული იქნება (ა) თქვენს ფაქტობრივ ზარალზე უფრო ნაკლებ ოდენობამდე ან (ბ) 100 აშშ დოლარამდე (ან მის ექვივალენტამდე ადგილობრივ ვალუტაში).

    ზოგიერთ იურისდიქციაში არ შეიძლება იყოს დაშვებული გარკვეული გარანტიების, პასუხისმგებლობების ან ზიანის უარყოფა, გამორიცხვა ან შეზღუდვა, შესაბამისად, ზემოთ მითითებული ზოგიერთი უარყოფა, გამორიცხვა ან შეზღუდვა შესაძლოა თქვენზე არ გავრცელდეს. ამგვარ იურისდიქციებში Visa-ის მხარეთა პასუხისმგებლობა განისაზღვრება იმ მაქსიმალური ოდენობით, რომელიც დასაშვებია მოქმედი კანონმდებლობით. წინამდებარე წესების შესაბამისად, არაფერი გამორიცხავს VISA-ს მხარეთა პასუხისმგებლობას: (ა) გარდაცვალებისა ან სხეულის დაზიანების შემთხვევაში, რომელიც გამოწვეულია მათი დაუდევრობით; (ბ) თაღლითობისა ან ფაქტების თაღლითურად დამახინჯების შემთხვევებში; (გ) ნებისმიერ სხვა საკითხზე, რომლის მიმართაც VISA-ს მხარეთა პასუხისმგებლობის გამორიცხვა ან შეზღუდვა შეუძლებელია მოქმედი კანონმდებლობის შესაბამისად.

  14. უნებართვო; მერჩანტებთან დავა

    Visa არ გასცემს ნებართვას, არ აფინანსებს და არ იღებს პასუხისმგებლობას შემდეგის მიმართ: (i) არცერთ ემიტენტზე, გადახდის ქსელზე, ციფრული საფულის ოპერატორზე ან სხვა მესამე მხარეზე, რომლებიც ხელს უწყობენ ან აადვილებენ თქვენი გადახდის დამუშავებას ან რომელთა გამოყენებაც თქვენ განახორციელეთ Visa Solution-ის ფარგლებში; (ii) Visa Solution-ის გამოყენებით შეძენილ საქონელსა ან მომსახურებას ან განხორციელებულ ტრანზაქციებს; (iii) Visa Solution-ის გამოყენებით შეძენილი საქონლის ან მომსახურების მიწოდებასა და ტრანზაქციების შესრულებას; (iv) მერჩანტებს, რომელთა საქონელი ან მომსახურება შეიძლება შეძენილი იყოს ან ვისთანაც ხორციელდება ტრანზაქცია Visa Solution-ის გამოყენების ფარგლებში.

  15. მესამე პირების ვებსაიტები, შინაარსი და რესურსები

    Visa Solution-ზე წვდომა შესაძლებელია მესამე მხარეების მეშვეობით, რომლებიც ხელს უწყობენ ტრანზაქციებს, მათ შორის თავიანთ ვებსაიტებზე, დომენებზე ან აპლიკაციებში. თქვენ შესაძლოა გქონდეთ შესაძლებლობა დაამყაროთ ან გამოიყენოთ პირდაპირი ბმულები ამ მესამე მხარეებთან, მათ ვებსაიტებთან, კონტენტთან და რესურსებთან, მათ შორის სოციალურ მედიაზე. თქვენ ეთანხმებით, რომ Visa არ აკონტროლებს და არ იზიარებს შეხედულებებს, მოსაზრებებს, შინაარსს, ვებსაიტებს, დომენებს, აპლიკაციებსა და სხვა რესურსებს, რომლებიც ხელმისაწვდომია Visa-სთან დაუკავშირდებილ კომპანიებსა და პირებისთვის. თქვენ ეთანხმებით, რომ Visa არ არის პასუხისმგებელი ამგვარი ვებსაიტების, დომენების, აპლიკაციების, შინაარსის ან რესურსების ხელმისაწვდომობაზე. ამასთანავე ადასტურებთ, რომ ნებისმიერი დანაკარგის ან ზარალის გამო, რომელიც შეიძლება მოგადგეთ ამ მესამე პირების მხრიდან, მათი ვებსაიტების, დომენების, პროგრამების, შიგთავსის ან რესურსების შედეგად, დანაკარგების და ზიანის ჩათვლით, რომლებიც Visa Solution-ის გამოყენებით დამუშავებულ შესყიდვებთან კავშირში მოხდა, Visa არ არის თქვენდამი პასუხისმგებელი.

  16. Visa Solution-ის და წინამდებარე პირობების შეცვლა; შეწყვეტა

    Visa-ს შეუძლია საკუთარი შეხედულებისამებრ შეწყვიტოს, შეცვალოს, მოდიფიცირება გაუკეთოს, დროებით ან მუდმივად შეაჩეროს, გააუმჯობესოს ან შეწყვიტოს Visa Solution-ის ნებისმიერი ან ყველა ასპექტი, მათ შორის მისი რომელიმე პუნქტის ხელმისაწვდომობა, ნებისმიერ დროს, გაფრთხილებით ან გაფრთხილების გარეშე. თქვენ ეთანხმებით, რომ Visa არ აგებს პასუხს არც თქვენს და არც მესამე პირის წინაშე აღნიშნული ქმედებების შედეგად. Visa Solution-ის ნებისმიერი ან ყველა ასპექტის ცვლილების, მოდიფიცირების ან გაუმჯობესების შემდეგ, თქვენი Visa Solution-ის გამოყენების გაგრძელება ითვლება თქვენს თანხმობად აღნიშნულ ცვლილებებზე, მოდიფიკაციებზე ან გაუმჯობესებებზე, ხოლო აღნიშნული წესები შეეხება Visa Solution-ს შესაბამისი ცვლილებების, მოდიფიკაციების და გაუმჯობესებების გათვალისწინებით.

    თქვენი Click to Pay-ის გამოყენების გამოცდილების გასაუმჯობესებლად, რომელიც მიწოდებულია თქვენი ემიტენტის ან სხვა Click to Pay პარტნიორის მხრიდან, Visa უფლებამოსილია შეწყვიტოს Visa Solution-ის გამოყენება თქვენი მხრიდან, გონივრული წინასწარი გაფრთხილების საფუძველზე.

    თუ თქვენ არ ეთანხმებით ამ წესებიდან რომელიმეს, არ უნდა გამოიყენოთ Visa Solution. Visa იტოვებს უფლებას, საკუთარი შეხედულებისამებრ, ნებისმიერ დროს შეიტანოს ცვლილებები ამ წესებში ან კონფიდენციალურობის განცხადებაში. Visa-ს შეუძლია შეცვალოს ეს პირობები ან კონფიდენციალურობის შეტყობინება ახალი ვერსიის გამოქვეყნებით და ისეთი შეტყობინებით, რომელსაც ჩვენ გონივრულად მივიჩნევთ გარემოებებიდან გამომდინარე, მათ შორის, აღნიშნული შეტყობინების ჩვენს ვებსაიტზე ან Visa Solution-ის მხარდამჭერ სხვა ვებსაიტზე გამოქვეყნებით. ამ წესების უახლესი ვერსია ყოველთვის ხელმისაწვდომი იქნება ჩვენს ვებსაიტზე. ბოლო ცვლილების თარიღი მითითებული იქნება ქვემოთ, როგორც „ბოლო განახლების თარიღი“, ხოლო კონფიდენციალურობის შეტყობინებაში - როგორც „ძალაში შესვლის თარიღი“. სათანადო კანონით დაშვებული მაქსიმალური ზომებით, ნებისმიერი ასეთი ცვლილების შემდეგ თქვენ მიერ Visa Solution-ის გამოყენების გაგრძელება ან მასში მონაწილეობა ნიშნავს, რომ თქვენ ეთანხმებით შეცვლილ წესებს.

    Visa Solution-ის გამოყენების შეწყვეტა ნებისმიერ დროს შეგიძლიათ, იმ შემთხვევის ჩათვლით, როდესაც წესებში შეტანილი ჩვენი ცვლილებებით არ იქნებით კმაყოფილი. თქვენ შეგიძლიათ მთლიანად უარი თქვათ Visa Solution-ის გამოყენებაზე ან წაშალოთ ცალკეული უფლებამოსილი ბარათები Visa Solution-ის ვებსაიტის მომხმარებელთა მხარდაჭერის განყოფილებაში მოცემული ინსტრუქციების შესაბამისად. Visa-ს აქვს უფლება ნებისმიერ დროს, მყისიერად, წინასწარი შეტყობინებისა და ვალდებულებების გარეშე, შეაჩეროს, შეწყვიტოს ან გაგიუქმოთ Visa Solution-ზე წვდომა ან მისი გამოყენება: (i) თუკი დაარღვევთ ამ წესებიდან რომელიმეს; ან (ii) ნებისმიერი სხვა კომერციული გონივრული მიზეზით Visa-ს ექსკლუზიური შეხედულებისამებრ. Visa არ აგებს პასუხს თქვენს წინაშე Visa Solution-ის გამოყენების ან წვდომის შეჩერებაზე, შეწყვეტაზე, გაუქმებაზე, ცვლილებაზე ან მოდიფიკაციაზე. შეწყვეტის შემთხვევაში, თქვენ რჩებით პასუხისმგებელი ყველა გადახდის განხორციელებაზე და სხვა ვალდებულებებზე, რომლებიც ამ პირობების თანახმად თქვენ დაგეკისრათ.

  17. ზოგადი პირობები

    1. შეტყობინებები.


      თქვენ ეთანხმებით, რომ Visa უფლებამოსილია Visa Solution-თან დაკავშირებული შეტყობინებები და სხვა განცხადებები მოგაწოდოთ ელ.ფოსტით, ვებსაიტზე განთავსებით ან ელექტრონული კომუნიკაციის სხვა საშუალებით. ჩვენგან, თქვენთვის გაგზავნილი ყველა ელექტრონული კომუნიკაცია ჩაითვლება „წერილობით კომუნიკაციად“ და მიიჩნევა თქვენთვის მიწოდებულად იმ თარიღიდან, რომელიც ან წარმოადგენს შეტყობინების ფაქტობრივ მიღების თარიღს, ან არის მისი გამოქვეყნების ან გავრცელების თარიღიდან ხუთი კალენდარული დღის გასვლის თარიღი — იმის მიხედვით, რომელი მათგანი დგება ადრე. ჩვენ არ ვართ ვალდებულები, მოგაწოდოთ დამატებითი ბეჭდური კომუნიკაციები Visa Solution-ის გამოყენებასთან დაკავშირებით.
      თქვენი პასუხისმგებლობაა რეგულარულად გადაამოწმოთ თქვენი ელ.ფოსტა ჩვენგან მიღებული შეტყობინებების სანახავად. თქვენ უნდა უზრუნველყოთ, რომ თქვენი ელ.ფოსტის მისამართი იყოს აქტიური და ბლოკავდეს ჩვენს გამოგზავნილ ელექტრონულ წერილებს. გარდა ამისა, თქვენ გვანიჭებთ უფლებამოსილებას, შევასრულოთ ნემისმიერი ინსტრუქციები, რომელებსაც ელ.ფოსტის საშუალებით მოგვაწვდით.
      Visa Solution-ის ანგარიშთან დაკავშირებული ინფორმაციის ელექტრონული წვდომისა და ნებისმიერი მოქმედების განხორციელებისთვის, აუცილებელია გქონდეთ Visa Solution-ის ანგარიშის მომხმარებლის სახელი.

    2. უარის თქმა.


      ამ წესებში განსაზღვრული რაიმე დებულების ან უფლების განხორციელების დაგვიანება ან შეუსრულებლობა არ ჩაითვლება ასეთი დებულების ან უფლების უარყოფად.

    3. მთლიანი შეთანხმება.


      ეს პირობები წარმოადგენს Visa-სა და თქვენს შორის სრულ შეთანხმებას Visa Solution-ის გამოყენებასთან დაკავშირებით.

    4. დებულებების გამიჯვნა


      თქვენ და Visa ეთანხმებით, რომ თუ ამ პირობების რომელიმე დებულება აღმოჩნდება უკანონო, არაკანონიერი, გაუქმებული ან ნებისმიერ მიზეზით არააღსრულებადი კომპეტენტური იურისდიქციის სასამართლოს მიერ, ასეთი დებულება ჩაითვლება ამ პირობებისგან განცალკევებულად და არ იმოქმედებს დარჩენილი დებულებების კანონიერებაზე, ძალასა და აღსრულებადობაზე.

    5. ინტერპრეტაცია.


      სათაურები და წარწერები განკუთვნილია მხოლოდ გამარტივებისთვის და არა ინტერპრეტაციისთვის. ასეთი სიტყვები, როგორიცაა „მოცემული“, „ამ დოკუმენტში“ და „ამის საფუძველზე“, გულისხმობს და ეხება მთელ ამ პირობებს მთლიანობაში და არა მათ რომელიმე კონკრეტულ ნაწილს. ტერმინი "მათ შორის" ნიშნავს ", მათ შორის, შეზღუდვის გარეშე." ყოველ ჯერზე, ამ დოკუმენტის გამოყენებისას, მხოლობითი რიცხვი მოიცავს მრავლობითსაც, მრავლობითი რიცხვი მოიცავს მხოლობითსაც და ნებისმიერი სქესის გამოყენება ვრცელდება ყველა სქესზე.

    6. მხარეთა ურთიერთობა.


      ამ წესებში არაფერი ითარგმნება როგორც თქვენსა და Visa-ს შორის თანააქტივობის, პარტნიორობის, დასაქმების ან წარმომადგენლობის ურთიერთობის შექმნა, ხოლო თქვენ არ გაქვთ უფლებამოსილება შექმნათ ვალდებულებები ან წარმოადგინოთ რაიმე ინფორმაცია Visa-ს სახელით.

    7. ზარალის ანაზღაურება


      კანონის მაქსიმალური ზომით, თქვენ ეთანხმებით, რომ ანაზღაურებთ ზიანს, დაიცვათ Visa-ს მხარეებს ზარალისგან, ვალდებულებებისგან, პრეტენზიებისგან, მოთხოვნებისგან, ჯარიმებისა და ხარჯებისგან, რომლებიც წარმოიქმნება ამ პირობების დარღვევასის გამო.

    8. დავების გადაწყვეტის სახელმძღვანელო კანონი.


      კანონით დაშვებული უმაღლესი ზომით, თქვენ და Visa ეთანხმებით, რომ:
      1. თუ თქვენ ხართ შესაბამისი იურისდიქციის რეზიდენტი ჰ (ბ.) ვრცელდება შემდეგი სამართლებრივი და საარბიტრაჟო დებულება:
        მოცემულ ნაწილში შედის საარბიტრაჟო დებულება გთხოვთ, ყურადღებით გაეცნოთ ამ დებულებას. ის განსაზღვრავს, რომ Visa Solution-სთან ან ამ წესებთან დაკავშირებული ნებისმიერი პრეტენზია უნდა გადაწყდეს სავალდებულო არბიტრაჟის გზით. არბიტრაჟის ფარგლებში არც თქვენ და არც Visa-ს არ გექნებათ უფლება, რომ დავა განიხილოს სასამართლომ ან სასამართლო ნაფიც მსაჯულთა მონაწილეობით. საჩივრები, საარბიტრაჟო წესით, შეიძლება გადაწყდეს მხოლოდ ინდივიდუალურ საფუძველზე. მტკიცებულებების წარმოდგენამდე, ან მათი მოსმენის შემდეგ, გასაჩივრების უფლება შეზღუდულია, თუმცა არბიტრს ექნება უფლებამოსილება მიიღოს გადაწყვეტილებები ზარალის ან სხვა შესაბამისი სამართლებრივი დაცვის შესახებ მოქმედი წესების შესაბამისად.
        ნებისმიერი დავა, სარჩელის საფუძველი, პრეტენზია ან დავის საგანი, რომელიც გამომდინარეობს Visa Solution-დან ან უკავშირდება მოცემულ პირობებს, მათ შორის, ამ პირობების შედგენა, განმარტება, დარღვევა, შესრულება, შეწყვეტა, აღსრულება ან ვალიდურობა, ასევე ამ დებულების ვალიდურობა და აღსრულებადობა. ასევე, არბიტრაჟის შესახებ შეთანხმების მოცულობის ან გამოყენებადობის განსაზღვრა (რასაც ამ ნაწილში ჰ(ა) ეწოდება როგორც „დავა“) ექვემდებარება მხოლოდ იმ პროცესისა და არბიტრაჟის დებულების საფუძველზე გადაწყვეტას, რომლებიც ამ ნაწილში არის განსაზღვრული. ნებისმიერი დავა თქვენს და Visa-ს შორის გადაწყდება სავალდებულო არბიტრაჟის გზით; გარდა იმ შემთხვევისა, თუ თქვენ ხართ აშშ-ის მოქალაქე, მაშინ შეგიძლიათ მიმართოთ მცირე დავების სასამართლოს (თუ თქვენი მოთხოვნები შესაბამისია). ეს საარბიტრაჟო დებულება ვრცელდება მხოლოდ Visa-სთან დაკავშირებულ დავებზე, რომლებიც ეხება Visa Solution-ს. თუ გაქვთ დავა თქვენს უფლებამოსილ ემიტენტთან, დავის გადაწყვეტა უშუალოდ მასთან უნდა მოხდეს.
        თქვენსა და Visa-ს შორის ნებისმიერი არბიტრაჟი ჩატარდება JAMS-ის ყოვლისმომცველი არბიტრაჟის წესებისა და პროცედურების შესაბამისად, თუ თქვენი საცხოვრებელი ამერიკის შეერთებულ შტატებში, ხოლო საერთაშორისო არბიტრაჟი განხორციელდება JAMS-ის საერთაშორისო არბიტრაჟის წესების შესაბამისად, თუ თქვენი საცხოვრებელი აშშ-ს ფარგლებს გარეთ არის, იმ ვადით, რაც ამ წესებსა და ამ დებულებას შორის წინააღმდეგობას არ ქმნის. შეგიძლიათ მოითხოვოთ ამ წესების ასლი, დაუკავშირდეთ JAMS-ს ნომერზე 1-800-352-5267, მიწეროთ მისამართზე JAMS, 620 Eighth Avenue, 34-ე სართული, ნიუ-იორკი, NY 10018, ან ეწვიოთ ვებსაიტებს www.jamsadr.com ან www.jamsinternational.com/.
        ნებისმიერი საჩივრის არბიტრაჟის წესით განხილვა მოხდება ინდივიდუალურ საფუძველზე. ეს ნიშნავს, რომ როგორც თქვენ, ასევე Visa-ს ეკრძალებათ არბიტრაჟში საჩივრების გაერთიანება ან კონსოლიდაცია სხვა პირებთან ერთად, გარდა იმ შემთხვევისა, თუ თქვენ და Visa სხვაგვარად შეთანხმდებით წერილობით. ასევე, თქვენ და Visa-ს გეკრძალებათ არბიტრაჟში განიხილოთ ნებისმიერი საჩივარი როგორც ჯგუფის წევრმა ან წარმომადგენელმა. ამ წესებზე დათანხმებით, თქვენ და Visa უარს აცხადებთ ჯგუფურ სარჩელში მონაწილეობის უფლებაზე. არბიტრაჟი ჩატარდება ერთი არბიტრის მიერ. . არბიტრაჟი (i) წარიმართება სატელეფონო, ონლაინ ფორმატით და/ან მხოლოდ წერილობითი განცხადებების საფუძველზე — ფორმატს განსაზღვრავს ის მხარე, რომელიც იწყებს არბიტრაჟს; და (ii) არ მოიცავს მხარეების ან მოწმეების პირად მონაწილეობას, თუ ეს არ იქნება ურთიერთშეთანხმებით განსაზღვრული. არბიტრი შეირჩევა თქვენსა და Visa-ს შორის ურთიერთშეთანხმებით. თუ თქვენ და Visa ვერ შეთანხმდებით არბიტრის შერჩევაზე, არბიტრი დაინიშნება JAMS-ის პროცედურების შესაბამისად. თუ რაიმე მიზეზით დავის განხილვა არბიტრაჟის ნაცვლად სასამართლოში გაგრძელდება, თქვენ და Visa ორივე უარს აცხადებთ ნაფიც მსაჯულთა სასამართლოზე..
        თქვენ შეიძლება აირჩიოთ ადვოკატის დაქირავება, მაგრამ აღნიშნული არ მოგეთხოვებათ. თითოეული მხარე თავად აგებს პასუხს საკუთარი ადვოკატის ჰონორარებსა და ხარჯებზე, გარდა იმ შემთხვევისა, როდესაც მოქმედი კანონმდებლობის საფუძველზე არბიტრი გადაწყვეტს სხვაგვარად. არბიტრაჟის ინიციატორი მხარე გადაიხდის სარეგისტრაციო საფასურს (თუ JAMS არ განსაზღვრავს სხვაგვარად ფინანსური სირთულის არსებობის გამო). Visa წინასწარ დაფარავს ყველა სხვა ადმინისტრაციულ ხარჯსა, საქმის მართვის და არბიტრის ჰონორარს, რომლებიც დაკავშირებულია არბიტრაჟთან, გადახდის გზით პირდაპირ JAMS-თან. არბიტრაჟის დასრულების შემდეგ, Visa-ს მიერ გადახდილი ხარჯები არბიტრის მითითებით JAMS-ის პროცედურების შესაბამისად შეიძლება გადანაწილდეს თქვენ და Visa-ს შორის.
        ყველა საკითხი, მათ შორის არბიტრაჟის დებულების მოცულობასა და იძულებითობის, არბიტრის მიერ იხილება და გადაწყდება. არბიტრის ნებისმიერი გადაწყვეტილება საბოლოოა. არბიტრის გადაწყვეტილების აღსრულება შესაძლებელია ნებისმიერ სამართლებრივ იურისდიქციას მქონე სასამართლოში. ეს პუნქტი არ გამორიცხავს მხარეთა უფლებას, მიმართონ შესაბამის იურისდიქციას მქონე სასამართლოს დროებითი ღონისძიებების მოთხოვნით არბიტრაჟის მხარდასაჭერად. Visa-ს პასუხისმგებლობა შეზღუდულია ზემოთ, მე-13 სექციაში აღწერილი წესით, მოქმედი კანონმდებლობით დაშვებულ მაქსიმალურ ფარგლებში.
        წესები და მხარეთა აქედან გამომდინარე უფლებები რეგულირდება და განიმარტება დელავერის შტატის კანონმდებლობის შესაბამისად, გამორიცხული იქნება კონფლიქტური ან სამართლის არჩევის ნორმების გამოყენება.
        თუ ამ პუნქტში მოცემულ საარბიტრაჟო დებულებას ან ჯგუფური სარჩელის უარის თქმის დებულებას რაიმე მიზეზით არ ექნება შესრულების უნარი იმ შემთხვევაში, როდესაც ჯგუფური სარჩელი შეტანილია, მაშინ ამ შემთხვევაში გავრცელდება ქვემოთ პუნქტში ჰ (ბ) მოცემული სასამართლოს იურისდიქციისა და მართვის სამართლის ნორმები.
        ამპუნქტის დანარჩენი ნაწილი ვრცელდება აშშ-ის რეზიდენტებზე:
        არბიტრს არ შეუძლია დააკისროს სადამსჯელო ან სამაგალითო ზიანის ანაზღაურება, გარდა იმ შემთხვევებისა, როდესაც ეს კანონით ან წინასწარ შეთანხმებული პროცენტით არის დაშვებული; აგრეთვე, არბიტრს არ შეუძლია დააკისროს შემთხვევითი, არაპირდაპირი ან თანმდევი ზიანი, მათ შორის დაკარგული მოგების ან მესამე მხარის მიყენებული ზიანის ანაზღაურება. ნებისმიერმა დაკისრებულმა კომპენსაციას არ შეიძლება გავლენას მოახდინოს Visa Solution-ის სხვა მომხმარებლების უფლებებზე. მხარეები აღიარებენ, რომ ეს წესები ასახავს ტრანზაქციას, რომელიც დაკავშირებულია შტატებს შორის ვაჭრობასთან. მიუხედავად წინამდებარე პუნქტში მითითებული არსებითი სამართლის დებულებისა, ნებისმიერი არბიტრაჟი, რომელიც ტარდება ამ წესებისა და ამ სექციის შესაბამისად, რეგულირდება ფედერალური საარბიტრაჟო აქტით (9 U.S.C., სექც). 1-16).
      2. თუ თქვენ ხართ არგენტინის, ბრაზილიის, კანადის ან უფლებამოსილი იურისდიქციის რეზიდენტი ევროპაში, (ii) სადაც ზემოთ, ჰ (ა) პუნქტში მოცემული არბიტრაჟის დებულება ჩაითვლება დაუსრულებლად, ან (iii) ნებისმიერი სხვა უფლებამოსილი იურისდიქცია, სადაც ჯგუფურ სარჩელზე უარის თქმის უფლება ჩაითვლება დაუსრულებლად ნებისმიერ საქმეში, რომელშიც წარდგენილია ჯგუფური სარჩელის მოთხოვნები, მაშინ გამოყენებული იქნება შემდეგი: (x) ნებისმიერი დავა, პრეტენზია ან სარჩელის საფუძველი, რომელიც გამომდინარეობს ამ წესებიდან ან დაკავშირებულია Visa Solution-თან, რეგულირდება და განიმარტება თქვენი საცხოვრებელი ადგილის შესაბამისი უფლებამოსილი იურისდიქციის კანონმდებლობით; და (ჯ) ნებისმიერი დავა, პრეტენზია ან სარჩელის საფუძველი, რომელიც გამომდინარეობს ამ წესებიდან ან დაკავშირებულია Visa Solution-თან, გადაწყდება ამ უფლებამოსილი იურისდიქციის ფარგლებში მდებარე კომპეტენტურ სამოქალაქო სასამართლოში. მომხმარებელთა უფლებების დაცვის ნებისმიერი სავალდებულო კანონი მოქმედი რჩება.

    9. გადაცემა.


      თქვენ არ გაქვთ უფლება დააკისროთ ან გადასცეთ ეს წესები, იქნება ეს კანონით თუ სხვა გზით, Visa-ს წინასწარი წერილობითი თანხმობის გარეშე. Visa იტოვებს უფლებას, თქვენთვის შეტყობინებისა და თქვენი თანხმობის გარეშე, ეს პირობები და მათთან დაკავშირებული ნებისმიერი უფლება და ვალდებულება გადასცეს ნებისმიერ მესამე მხარეს. Visa იტოვებს უფლებას, თქვენთვის შეტყობინებისა და თქვენი თანხმობის გარეშე, ეს პირობები და მათთან დაკავშირებული ნებისმიერი უფლება და ვალდებულება გადასცეს ნებისმიერ მესამე მხარეს. თქვენ ნებისმიერ დროს შეგიძლიათ შეწყვიტოთ Visa Solution-ის გამოყენება, მათ შორის, თუ თქვენ არ ხართ კმაყოფილი წინამდებარე წესების შესრულებით.

    10. ქვეყნისთვის დამახასიათებელი სპეციფიკური დებულებები.

  • კ. ვადაგასვლის შემდეგ ძალაში დარჩენა

    წინამდებარე პირობების შეწყვეტის მიუხედავად, ეს პირობები ვრცელდება თქვენ მიერ Visa Solution-ის გამოყენებაზე მის შეწყვეტამდე. წინამდებარე პირობების ნებისმიერი პუნქტი, რომლის შეწყვეტაც არ უნდა მოხდეს მისი ხასიათიდან გამომდინარე, დარჩება მოქმედი წინამდებარე პირობების ან თქვენ მიერ Visa Solution-ის გამოყენების მიუხედავად, დავების გადაწყვეტის სახელმძღვანელო კანონის გათვალისწინებით.

  • ლ. დაგვიკავშირდით:

    Visa Solution-თან დაკავშირებით კითხვების არსებობის შემთხვევაში, ეწვიეთ ამ ვებსაიტის ხშირად დასმული შეკითხვების განყოფილებას. თუ ხშირად დასმული კითხვების განყოფილება ვერ პასუხობს თქვენს შეკითხვებს ან შეშფოთებებს, შეგიძლიათ დაგვიკავშირდეთ ფოსტით მისამართზე: Visa U.S.A. Inc., Visa Solution, 900 Metro Center Blvd., Foster City, CA 94404-2172, USA, ანდაუკავშირდით ჩვენს მხარდაჭერის გუნდს.

ბოლო განახლება: 2025 წლის 31 ივლისი

© 2025 Visa. ყველა უფლება დაცულია.

Visa-ს მომხმარებელთა მხარდაჭერის გუნდი

შეტყობინება კონფიდენციალურობის შესახებ

კლიენტთა მხარდაჭერის სამსახური