თეკლა ჯავახაძე, მსახიობი.
განვითარება და წინსვლა ჩემი ყოველდღიურობის ნაწილია, მუდმივად ვცდილობ, თუნდაც მცირედით, ყოველ დღე რამე ახალი ვისწავლო და დავაგროვო მეტი გამოცდილება, როგორც პიროვნული ასევე პროფესიული.
საქართველოში სწავლის დამთავრების შემდეგ, პროფესიული კურსები გავიარე, დიდ ბრიტანეთსა და ამერიკის შეერთებულ შტატებში. რა თქმა უნდა, განვითარების შესაძლებლობა იქ უფრო მეტია სამსახიობო მიმართულებით განსაკუთრებით, მაგრამ საქართველოში დავბრუნდი და ვცდილობ ჩემი წვლილი შევიტანო ამ ინდუსტრიის განვითარებაში.
გარდა იმისა, რომ მოზარდმაყურებელთა თეატრის მსახიობი ვარ, სხვადასხვა მიმართულებით ვმუშაობ. ვცდილობ და მონდომებით ვაკეთებთ ყველა სამუშაოს.
ვმუშაობ ხმის მსახიობად, ქასთინგ მენეჯერის ასისტენტად, კოსტუმების დიზანიერის ასისტენტად, ასევე ჩემი პატარა სახელოსნო მაქვს სახლში და ხელნაკეთ ნივთებს, შეფუთვებს ვაკეთებ. მიყვარს ყველაფრის კეთება რაც კინოს თეატრს, ხელოვნებას ეხება.
ვფიქრობ, რომ ნებისმიერი პროფესიის ადამიანმა თავისი ადგილი ჯერ საკუთარ ქვეყანაში უნდა იპოვოს, შეუქმნას მას რაიმე ღირებული და ხელი შეუწყოს მის მეტად განივითარებას. მნიშვნელოვანია, იმის გაცნობიერება, რომ განვითარება და წინსვლის აუცილებლობა ყველა სფეროს და საქმიანობას ეხება.
ბოლოდროინდელი კრიზისული პერიოდის შედეგად მცირე და საშუალო ბიზნესი დაზარალდა, ამიტომ მე მათ მხარს ვუჭერ ჩემი შესაძლებლობების ფარგლებში და ვიღებ მონაწილეობას ნებისმიერ წამახალისებელ აქტივობაში, რადგან ბიზნესის გამართულად მუშაობა კრიტიკულად აუცილებელია როგორც ქვეყნისთვის, ისე თითოეული ჩვენგანისთვის.
